GMN TV Politika Alerjia ho liafuan PPN ilegál, CNRT sadik Aniceto Guterres hato’o keixa ba TR

Alerjia ho liafuan PPN ilegál, CNRT sadik Aniceto Guterres hato’o keixa ba TR

0 views

Vise Xefe bankada CNRT, Patrocinío Fernandes, hateten, deputadu sira bankada CNRT sei kontinua bolu komponente meza Parlamentu Nasionál (PN), inklui Prezidente Parlamentu Nasional (PPN), Aniceto Guterres ilegal no de faktu, tanba konsidera eleitu la tuir regra ne'ebé estabelese.

Tanba ne'e, polítiku ne'e dezafia atúal PPN, Aniceto Guterres, atu hato'o keixa ba Tribunal Rekursu (TR) bainhira sente prejudikadu ka alerjia ho liafuan de faktu ka ilegal ne’e.

“Ida ne'e mosu, tanba prosesu eleisaun ne'ebé la tuir rejimentu, depois nia legalidade ne'e iha ne'ebe, nia tenke hatudu ba ami kona-ba nia legalidade ne'e, katak nia legal, tenke dehan nia legalidade ne'e mak ida ne'ebé loos. Ema ruma ne'ebé sente prejudikadu, nia fatin hotu-hotu mak Tribunal, Tribunal de'it mak bele deside, ami sempre prontu hasoru, iha komunikadu sira durante ne'e katak ami sempre prontu", deklara deputadu Patrocinío ba GMN iha PN, Kuarta (29/07/2020).

Deputadu CNRT ne’e hateten, linguajen ilegal no de faktu ne’e mosu husi bankada Fretilin dezde IV Governu Konstitusional.

“Ida ne'e linguajen polítika ne'ebe bankada CNRT uza, liafuan ida ilegal ho de faktu ne'e la'os disionáriu foun ida mak mosu husi bankada CNRT, disionáriu ne'e mosu husi bankada Fretilin dezde IV Governu Konstitusional”, dehan Vise Xefe bankada CNRT ne'e.

Nia argumenta, liafuan ne'ebé refere laiha ligasaun ho PPN nia diskursu ofisial, maibe (bankada Fretilin) atu rejeita ka la rejeita laiha buat ida bandu ema atu labele ko'alia.

Alende ne'e, polítiku ne'e mós afirma tan, Tribunal de'it mak bele foti desizaun, tanba laiha lei ruma taka dalan atu bolu ho liafuan saida de'it.

"Hanoin deklarasaun polítika PPN ni'an, maibe laiha prosesu administrativu ida ne'ebé bandu ema atu koalia uza liafuan ida ne'e”, tenik Patrocinío.

Relasiona ho asuntu ne'e, GMN tenta konfirma ho Prezidente Parlamentu Nasional (PPN), Aniceto Guterres Lopes, maibe nia parte lakohi fó komentariu.

Maske nune'e antes ne'e, liu husi diskusaun relatóriu implementasaun Estadu Emerjensia iha plenária semana ne’e, Aniceto Guterres mós rejeita ho liafuan Governu de faktu no meza ilegal, tanba ne'e nia parte sujere bankada CNRT bolu ho liafuan ne'ebe hanesan bainhira halo intervensaun iha plenária no baihira haruka karta ruma ba nia.

Antes ne'e mós, Xefe bankada Fretilin, Francisco Miranda Branco,  informa, atúal PPN ne’e sei halo diskursu ofisial nu'udar Prezidente PN, liu husi serimonia hatúr meza PN foun, tanba iha ámbitu eleisaun hili Prezidente foun ne'e la konsege tanba situasaun la posivel. Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker