Deputadu bankada PD, Mariano Assanami Sabino, sujere ba Ministériu Transporte no Komunikasaun (MTK) atu kontrola kabu sub-marinu, tanba internet iha Timor-Leste loading kleur demais.
“Ha’u hanoin ho situasuan agora ita nia internet ne’ebé la’o lentu ka kleur demais, ida ne’e laiha vantajen di’ak ba investidór sira ne’ebé hakarak mai investe liu-liu utiliza sistema Information Technology (IT). Prosesu internet ne’ebé mak loading kleur laiha vantajen di’ak ba investidor ne’ebé investe, liu-liu utiliza IT, tanba ne’e, husu ba MTK atu tau atensaun ba kontrola kabu sub-marinu, ema utiliza utiliza internet ho GB 100 bainhira iha Indonézia ho USD60.00, maibé iha ne’e iha 30 ribu, ida ne’e nia komparasaun ne’e do’ok tebes, ita presiza aselera”, deputadu PD hato’o kestaun ne’e liu husi ninia intervensaun iha plenária, Tersa (30-06-2020).
Entretantu iha Timor-Leste iha liña telekomunikasaun tolu (3) hanesan Timor Telecom, Telkomcel no Telemor. ety
