GMN TV Politika CNRT: FRETILIN taka dalan ba Arão envolve iha komisaun sira

CNRT: FRETILIN taka dalan ba Arão envolve iha komisaun sira

0 views

Bankada CNRT konsidera FRETILIN taka dalan ba eis Prezidente Parlamentu Nasionál (PN), Arão Noe envolve iha komisaun espesializada sira iha Parlamentu Nasionál (PN), tanba bankada CNRT haruka ona pedidu ba  Prezidente PN, Aniceto Guterres atu autoriza Arão Noe envolve iha komisaun balun, maibé to’o ohin loron seidauk iha rezultadu.

“Sim to’o ohin loron deputadu Arão Noé, ami tenta hela atu hatama deputadu ne’e ba iha komisaun balun, maibé FRETILIN taka fatin sira ne’e hotu ba iha komisaun sira, maibé ami sei buka dalan deputada CNRT tenke tama iha komisaun  ida. Tanba kualker deputadu ida iha dever atu ba servisu iha komisaun espesializada sira iha PN, Prezidente PN mak labele partisipa iha komisaun espesializada sira, maske rejimentu PN la dehan, maibé buat ne’ebé la’o tiha ona rekoñese valor legal, komesa PN la’o laiha eis Prezidente PN atu partisipa iha komisaun espesializadas”, Vise Xefe bankada CNRT, Patrocinio Fernandes ba jornalista sira iha PN, Kinta (16-07-2020).

Deputadu CNRT ne’e hateten, tuir loloos eis Prezidente PN, Arão Noe tenke envolve iha komisaun balun iha PN.

“Membru komisaun espesializada sira ne’e konstitui liu husi rezolusaun ida ne’ebé define kedas membru sira husi komisaun sira iha PN. Problema husi membru komisaun A ida sai ona husi Prezidente PN, loloos eis Prezidente PN, Arão nia fatin mak iha komisaun ne’eba. Maibé ida ne’e ami rekoñese tanba iha rezolusaun ne’e rasik deskreve iha komisaun A, kompostu husi membru bankada FRETILIN na’in 4, CNRT 3 no bankada seluk ida, nune’e sira mos rekoñese hodi okupa fatin iha ne’ebá. Ami tenta haruka karta bei-beik ba Prezidente PN to’o ohin loron seidauk iha rezultadu, tanba ami sei buka atu altera rezolusaun, hodi nune’e integra deputadu Arão Noe ba iha kualker komisaun sira iha PN”, afirma Patrocinio.

Maibé deputadu bankada FRETILIN, Joaquim dos Santos, rejeita deklarasaun CNRT ne’ebé hateten, bankada FRETILIN mak taka dalan ba eis Prezidente PN, Arão Noe atu envolve iha komisaun.

“Ida ne’e sira nia konsiderasaun, maibé ha’u koalia norma desizaun sala iha uluk, tanba deputadu 65 nia sai Prezidente PN, nia la hola parte iha desizaun komisaun ida, la signifika bankada ne’e lakon tiha iha komisaun. Uluk bankada CNRT tau deputadu Arão nia naran iha komisaun ida, maibé la partisipa iha desizaun hanesan mós FRETILIN subtitui Prezidente PN, Aniceto Guterres ho deputadu Francisco Miranda Branco, iha posibilidade bainhira iha dezisaun bankada bele husu subtituisaun temporáriu tuir regra”, tenik Joaquim.

Nune’e mós eis Prezidente PN,  Arão Noe, hateten, maske bankada haruka ona karta ba Prezidente PN, Aniceto Guterres, maibé to’o ohin loron seidauk iha solusaun, tanba ne’e fulan rua ona nia parte seidauk envolve iha komisaun espesializada sira iha PN.

“Ami sujere ba meza atu halo mudansa ba kompozisaun komisaun, maske bele envolve iha kualker komisaun, importante envolve iha komisaun asuntu ki’ik oan ne’ebé rezolve iha minute, kuaze fulan tomak seidauk rezolve. Maske fulan rua seidauk envolve iha komisaun sira iha PN Segunda ho Tersa tuir plenária, Kuarta konta ho Sesta hela iha uma, tanba ha’u labele ba komisaun ida ba asiste iha debate sein fó direitu votu no naran laiha lista komisaun”, subliña Arão.

Entretantu komisaun sira iha PN mak hanesan, komisaun A trata asuntu konstituisaun no justisa, komisaun B trata asuntu defeza no seguransa, komisaun C trata asuntu finansas públika, komisaun D trata asuntu ekonomia no dezenvolvimentu, komisaun E trata asuntu infraestrutura, komisaun F trata asuntu saúde, veteranus, jéneru no sosiál no komisaun G trata asuntu edukasaun juventude no desportu. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker