GMN TV Politika CNRT la haruka ema ruma harii partidu foun

CNRT la haruka ema ruma harii partidu foun

0 views

Comissão Política Nacional partidu (CPN-CNRT) husu ba kuadru, militante no simpatizante sira atu labele envolve-an iha kualker atividade polítika nebé la'ós partidu CNRT nian, tanba Prezidente Partidu ho CPN la fó apoiu no la haruka ema ruma harii partidu foun.

Tuir Vise Prezidente CNRT, Virgílio Smith, hateten, evolusaun polítika iha rai-laran ikus-ikus ne’e, la’o maka’as tebes, liu-liu kona-ba tendência atu forma ka harii partidos políticos. Personalidades barak maka buka halibur malu hodi harii partidos políticos foun atu nune’e, bele konkore ba eleisaun jeral tuir mai ne'e.

Partidu CNRT liu hosi Comissão Política Nacional (CPN) acompana ho besik evolusaun ida ne’e, tanba iha ligasaun tebes ho dezenvolvimentu ba demokrasia rai-laran nian.

“Haré ba evolusaun ne’e, maka Comissão Política Nacional partido CNRT husu ba kuadru, militante no simpatizante sira atu labele envolve-an iha kualker atividade polítika nebé la'ós partidu CNRT nian, tanba Prezidente partidu ho CPN la fó apoiu no la haruka ema ruma harii partidu foun”, dehan Vise Prezidente partidu CNRT, Virgílio Smith ba jornalista sira liu husi konferensia ba imprensa, Kuarta (22/7/2020).

Virgílio Smith dehan, oras ne’e, Prezidente Partidu CNRT, maun Boot Kay Rala Xanana Gusmao hamutuk ho CPN kontinua konsolida partidu, tanba ne’e, presiza tebes kuadru, militante no simpatizante sira ninia partisipasaun, hodi hametin partidu atu rezolve problema sira ne'ebé oras ne'e dau-daun nasaun hasoru hela. Nune'e mak apela ba kuadru, militante no simpatizante, atu hamriik metin nafatin iha partidu CNRT hamutuk ho maun Boot Kay Rala Xanana Gusmao.

Vise Prezidente partidu CNRT ne'e sublina, CNRT partidu ida nakloke ba ema hotu ne'ebé komunga ideia no prinsípu CNRT nian, nebé hatúr ona iha  Estatutu partidu nian, aprovadu iha Congresso Nacional de 2017, no mós ideia no prinsípiu Estadu nian ne'ebé konsagra iha konstituisaun RDTL, hanesan Estadu Direitu Demokrátiku. Tanba ne’e mak CNRT sei esforsu-an tebes atu konsolida ninia estrutura tomak, hodi nune’e bele kumpre ninia obrigasaun ba nasaun no povu, atu hatúr fila fali Estadu Direitu Demokratiku iha rai doben ne’e. eni


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker