GMN TV Politika Estadu tenke kuidadu iha desizaun polítika hodi defende rikusoin TL

Estadu tenke kuidadu iha desizaun polítika hodi defende rikusoin TL

0 views

Fronteira Marítima (FM) nu’udar rikusoin Timor-Leste (TL) ni’an, tanba ne’e, Estadu tenke kuidadu iha desizaun polítika sira atu interese Timor-Leste nian, liu-liu rikusoin labele monu ba rai-seluk nia liman, nune’e mos presiza dignifika servisu Xefe Negósiadór Delimitasaun Fronteira Marítima, Kay Rala Xanana Gusmão nian.

Lia hirak ne’e deklara husi, akadémiku nu’udar mós observadór polítiku Universidade Nasional Timor-Leste (UNTL), Camilo Ximenes, desizaun Xefe Negósiador Delimitasaun Fronteira Marítima, Kay Rala Xanana Gusmão ni’an, hodi rezigna-an husi nia kargu, sei afeta ba rikusoin nasaun ni’an, tanba destinu no rikusoin Timor-Leste ni’an mak FM.

Tanba ne’e, Akadémiku UNTL ne’e, husu Xefe Estadu no Xefe Governu presiza bolu líder nasionál, Kay Rala Xanana Gusmão, hodi fó hanoin ba malu atu mantein nia pozisaun hanesan xefe negósiadór ba asuntu fronteira marítima, tanba Xanana nia luta ba rikusoin Timor-Leste ni’an, la’os xefe Governu no xefe Estadu mak haruka, maibé povu mak haruka.

Camilo Ximenes esplika, rezignasaun xefe negósiador prinsipal ni’an ne’e, afeta atu dada kadoras mai Timor-Leste, tanba substitui ho ema foun, difísil hodi realiza asuntu ne’e.

“Líder ida ne’e, ita tenke tane líder ida ne’e, kuandu sei iha ita tenke fó responsabilidade ba nia, hodi nune’e nia asume nafatin responsabilidade ida ne’e, karik nia mak dehan lakohi tanba de’it konjuntura polítika iha Timor, ha’u husu ba Prezidente Repúblika husu mós Primeiru Ministru bolu nia nu’udar aman ida, nu’udar maun ida ita nu’udar ninia alin, iha diferente opiniaun no hanoin liu-liu kona-ba partidu ne’e normal, maibé kestaun ida ne’e kestaun ida importante kestaun ida koalia kona-ba destinu no rikusoin nasaun ninian,” Camilo hatutan.

“Kuandu ita nia fronteira seida’uk kompleta ita seidauk koalia kona-ba soberania lolos tanba ne’e, la gosta malu la konkorda opiniaun ninian normal, maibé, husu ba nia ida ne’e povu mak haruka la’os Primeiru Ministru mak haruka maun Xanana la’os Prezidente Repúblika mak haruka maun Xanana, maibé povu mak fiar nafatin konfiansa ida ne’e ba maun Xanana para atu luta nafatin ba fronteira marítima inklui mina”, afirma, Observadór Polítiku UNTL, Camilo Ximenes, ba GMN iha Kampus FASPOL-UNTL Caicoli, Tersa (14/07/2020).

Iha parte seluk, Ministru Asuntu Kombatente Libertasaun Nasionál, Júlio Sarmento ‘Meta Mali’ hateten, maske Kay Rala Xanana Gusmão rezigna-an husi nia kargu nu’udar xefe negosiadór prinsipal ba delimitasaun fronteira marítima, maibé nafatin fó kontribuisaun.

“Rezigna-an la signifika lakohi ona atu koalia, maibé rejigna-an husi kargu ne’e, maibé kontribui nafatin ba rai ida ne’e, ita sei konta nafatin ho katuas sira nia kontribuisaun, tanba oituan ka barak sira fó ona ba rai ida ne’e”, dehan, Ministru Júlio Sarmento ‘Meta Mali’, iha Palásiu Governu, Tersa (14/07).

Reprezentante espesiál Timor-Leste ba prosesu delimitasaun fronteira marítima no dezenvolvimentu projetu petrolíferu iha Greater Sunrise tasi Timor, Kay Rala Xanana Gusmão, hato’o nia karta rezignasaun ba Xefe Governu, Taur Matan Ruak, iha Sesta (10/07). Ina


Banner

Foto

Notisia Ikus

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker