GMN TV Politika FRETILIN apresia Xanana rezigna-an husi kargu REGNFM

FRETILIN apresia Xanana rezigna-an husi kargu REGNFM

0 views

Reprezentante povu iha uma fukun Parlamentu Nasionál (PN), liu-liu bankada FRETILIN apresia ho aktu husi Kay Rala Xanana Gusmão ne’ebé hato’o karta rezignasaun nu’udár Reprezentante Espesiál Governu ba Negosiasaun Fronteira Marítima (REGNFM) ba Primeiru Ministru (PM), Taur Matan Ruak.

“FRETILIN fó apresiasaun, tanba ida-ne’e hatudu ezemplu polítika pozitivu bainhira Xanana Gusmão ho nia partidu la hola ona parte iha Governu ida ne’ebé uluk fó konfiansa polítika ba nia no nia rasik husu rezigna ka demite-an husi knaar ida ne’e. Tanba ezemplu hanesan mak Sekretáriu Jerál FRETILIN, Marí Alkatiri nu’udár Prezidente Autoridade RAEOA no ZEESM Timor-Leste hatudu bainhira haruka karta ida ba Primeiru Ministru (PM), Taur Matan Ruak, iha loron 15, fulan Jullu, tinan 2019 katak, la disponivel ona atu kontinua nia mandatu ne'ebé remata iha loron 31, fulan Jullu, tinan 2020. Ho razaun katak konsensu polítika nasionál ida ne’ebé uluk eziste no fó konfiansa polítika ba nia hodi sai Prezidente Autoridade RAEOA/ZEESM Timor-Leste la eziste ona iha tinan 2019, tanba ne'e, bankada FRETILIN apresia tebes ba aktu polítiku pozitivu sira hanesan ne’e, ne'ebé dezenvolve demokrasia iha ita-nia rai. Ida ne’e mak polítiku sira halo iha país demokrátiku sira“, deputadu FRETILIN, Mariano Fatubai Mota liu husi ninia deklarasaun polítika iha Parlamentu Nasionál (PN), Tersa (21-07-2020).

Tuir Mariano, durante Marí Alkatiri ninia mandatu nu'udár Prezidente autoridade RAEOA/ZEESM, autoridade simu transferénsia osan hamutuk USD millaun 500 hodi investe ba dezenvolvimentu.

“Ohin loron ita haree iha Oe-Cusse oin seluk ona, maibé deputadu balun duun matak katak osan USD liu millaun 200 mak lakon iha Oe-Cusse. Na realidade Prezidente autoridade ida ne’ebé substítui Marí Alkatiri hetan katak, laiha sentavu ida mak lakon no tanba nia la hatene uza osan ne’e, entaun deside hodi transfere fila-fali hanesan reseita mai Governu sentrál. Ho nune'e,  ida ne’e ezemplu ba transparénsia no boa governação. Ezemplu ba lideransa, integridade polítika, integridade morál, integridade ekonomika no finanseira ne'ebé Timor-Oan sira mak asume kargu polítiku tenke banati tuir“, tenik deputadu bankada FRETILIN ne'e.

Vise Xefe Bankada CNRT, Patrocinio Fernandes, klarifika, Xanana Gusmão mós haruka ona karta ba Câmara de Contas atu halo auditória, maibé Câmara de Contas ho instituisaun Estadu ne'ebé hala'o ninia kna'ar tuir konstituisaun no lei haruka mak la simu karta ne'e.

“Ohin iha plenária ida ne'e FRETILIN kestiona integridade líder nasionál Kay Rala Xanana Gusmão, tanba nia integridade la di'ak, sé nia integridade la di'ak duni nia la konsege influensia ho nia lideransa polítika  lidera funu tinan 24 lori ita ba independensia. Sé nia integridade kestiona ho nia lideransa atu rezolve krize iha tinan 2006 hatuur sistema Estadu ohin loron“, hateten Patrocinio.

Nune'e mós, deputadu PLP, Noé da Silva, esklarese, hanesan reprezentante povu, sira la kestiona kona-bá integridade kay Rala Xanana Gusmão nini'an, maibé aktu balun ne'ebé la fó benefísiu ba nasaun presiza klarifikasaun.

“Kona-bá maun Xanana nia integridade ha'u rasik la kestiona, maibé polítika partidaria kestaun balun ne'ebé ita presiza fó klarifikasaun ba malu, sé aktu balun la fó benefísiu di'ak ba nasaun ita presiza klarifika. Maibé presiza husu klarifikasaun buat sira ne'ebé mak laloos, sé kestiona ba buat sira ne'ebé mak la produs efeitu di'ak ba nasaun ita defende ne'e la loos“, tenik Noe.

Líder nasionál Kay Rala Xanana Gusmão, hato'o karta rezignasaun husi Reprezentante Espesiál Governu ba Negosiasaun Fronteira Marítima (REGNFM) ba Xefe Governu iha loron 10, fulan Jullu, tinan ne'e.

Kontéudu husi karta rezignasaun Xanana ni'an ne’ebe GMN asesu husi Lusa, hateten, Xanana nia rezignasaun ne'e refere ba desizaun partikular husi Governu ne'ebé anunsia foin la-lais ne'e, hodi ezonera Prezidente  Timor Gap, Francisco Monteiro. Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker