GMN TV Politika FRETILIN hakfodak ventiladór ba COVID-19 ida de’it

FRETILIN hakfodak ventiladór ba COVID-19 ida de’it

0 views

Deputada bankada FRETILIN, Maria Angélica dos Reis, hakfodak ho relatóriu Governu ne’ebé relata katak, iha ventiladór ida de’it ne’ebé uza hodi atende pasiente Corona Virus Disease (COVID-19).

“Parlamentu Nasionál (PN) aprova orsamentu transferénsia dalarua tui-tuir malu ba osan COVID-19 USD tokon 220, ita hatene katak iha parseiru balun fó apoiu ita, ohin kuandu halo aprezentasaun dehan ventiladór ne’e ida de’it, ami hakfodak, tanba ami aprova osan, maibé ventiladór apoiu husi Xina ne’e ida de’it. Iha primeiru levantamentu fundu petróleu eis Ministru Negósiu Estranjeiru no Kooperasaun (MNEK), Dioníso Babo Soares asina akordu ho UNDP atu halo akizasaun”, Deputada bankada FRETILIN ne'e liu husi ninia intervensaun  iha PN, Tersa (28-07-2020).

Maria afirma, PN aprova orsamentu transferénsia dalarua no hetan apoiu mós husi parseiru sira, maibé realidade ventiladór ida de’it, nune’e prosesu akizisaun ne’e ventiladór sira ne’e prosesu to’o ona iha ne’ebé.

“Sé ha’u la sala iha dokumentu osan por volta USD tokon 5.9 resin nia prosesu andamentu to’o iha ne’ebé, tanba ne’e mak ohin aprezenta relatóriu to’o agora ventiladór ida de’it ba iha kazu emerjénsia, ha’u komprende iha ventiladór fiksa no movel sira ne’e hira, razaun ha’u husu pergunta ne’e, tanba PN aprova osan hamutuk tokon 220 iha tabela free balance relata ami halo emprime kapasidade Governu to’o ohin loron foin maka atinji porsentu 48 ida ne’e kestionavel”, tenik  Deputada bankada FRETILIN ne’e.

Husi sorin seluk, Xefe bankada PD, Antonio da Conceicão “Kalohan”, mós kestiona kona-bá material COVID-19 nia prosesu akizasaun ne’e.

“Ita to’o ona iha ne’ebé, maske ohin iha iha relatóriu sita uitoan aprovizionamentu balun seidauk mai, pedidu balun figura balun mak halo mai ona fornese hahan no otél sira. Husu ba Governu uza orasmentu USD tokon 150 pagamentu, fora husi pagamentu ne’ebé mak hala’o tiha ona saída tan mak agora dau-daun sai kestaun“, tenik Kalohan.

Ministra Saúde (MS), Odete Maria Freitas Belo, klarifika katak, ventiladór ba COVID-19 hamutuk lima (5) iha Sentru Saúde Vera Cruz ne’ebé seidauk uza, tanba Timor-Leste laiha ona kazu COVID-19.

“Ita nia kontratu hamutuk ho UNDP iha faze primeiru sira haruka hela ai-moruk ba espesialista sira iha HNGV no faze segunda sira haruka tan ventiladór 5 ba iha Sentru Saúde Vera Cruz, ita la uza, tanba ita kazu laiha, ventiladór ida maka Doutor sira uza halo treinamentu ba iha ita nia médiku sira“, dehan Odete.

Entretantu, PN aprova primeira tranferénsia extraordinária ba fundu COVID-19 hamutuk USD tokon 150 no segunda tranferénsia extraordinária ho montante USD tokon 70 ba fundu COVID-19. ety


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker