GMN TV Politika FRETILIN husu Câmara de Contas halo auditoria ba ekipa FM

FRETILIN husu Câmara de Contas halo auditoria ba ekipa FM

0 views

Bankada FRETILIN iha uma fukun Parlamentu Nasionál (PN) husu ba Câmara de Contas atu halo auditoria ba Gabinete Fronteira Marítima (FM) ne'ebé lidera husi eis Reprezentante Espesiál Governu ba Negosiasaun Fronteira Marítima (REGNFM) Kay Rala Xanana Gusmão, iha negosiasaun ba Fronteira Marítima (FM) ho Austrália no fronteira terestre ho Indonézia.

FRETILIN husu atu halo auditoria, ne'e tanba durante ne'e Governu mós aloka orsamentu lubuk boot ida ba servisu ne’ebé Xanana Gusmão hala’o no PN rasik seidauk hatene ho loloos osan hira mak servisu ida ne’e uza ona no ba saída de’it.

“Xanana mak reprezenta Estadu ho kompeténsia ne’ebé Governu konfia ba nia, hodi halo mós negosiasaun kona-bá dezenvolvimentu projetu Tasi Mane no asina akordu balun ho parseiru sira husi rai-liur. Bankada FRETILIN husu iha-ne'e iha sala plenária ida ne’e duni, tansá  Xanana mak asina no la’ós Prezidente Timor GAP mak asina? Xanana nega iha ne’e katak nia la asina. Maibé la to’o oras ida liu tiha, Xanana mai fali iha ne’e no deklara katak asina duni, ninia gravasaun vídeo ita hotu sei bele asesu iha mídia sosiál Youtube ka Facebook“, deputadu FRETILIN, Mariano Fatubai Mota liu husi ninia deklarasaun polítika iha Parlamentu Nasionál (PN), Tersa (21-07-2020).

Nia esplika, maske durante ne'e Governu apoiu osan, maibé PN seidauk iha informasaun loloos kona-bá akordu ne’ebé Timor GAP asina ho kompaña Estatál Xineza ida atu halo konstrusaun portu iha Beaço ho valór kontratu inisiál besik USD billiaun 1.

Tinan kotuk, Xanana rasik deklara iha mídia katak projetu Beaço sei muda fali ba Natarbora. To'o ohin loron PN no públiku tomak seidauk hatene, razaun tanba sá mak muda tun no muda sa'e ne'e.

“Tanba ne'e, bankada FRETILIN  husu ba Xanana Gusmão, ba ninia naran di’ak, ninia integridade polítika no demonstrasaun ba boa governação, atu   Xanana hakerek pedidu ba Câmara de Contas, hodi halo auditoria finanseira ida ba dezempeñu sira hotu iha setór petrolíferu tomak no dezempeñu sira hotu iha ninia lideransa durante hala’o kna'ar hanesan Reprezentante Espesiál Governu ni'an ba kestaun Fronteira Marítima no dezenvolvimentu ba projetu Tasi Mane. Bankada FRETILIN hanoin katak di'ak liu Xanana Gusmão rasik mak halo pedidu ba Câmara de Contas hodi halo auditória finanseira no lalika husik Ministru Petróleu no Rekursu Naturál mak halo pedidu, hodi evita espekulasaun katak iha vingansa polítika“, tenik Mariano.

Hatán ba kestaun ne'e, Vise Xefe bankada CNRT, Patrocinio Fernandes, klarifika, Xanana Gusmão haruka ona karta ba Câmara de Contas atu halo auditoria, maibé Câmara de Contas ho instituisuan Estadu ne'ebé hala'o nia kna'ar tuir konstituisaun no lei haruka la presiza ema ida mak tenke husu ba nia atu halo auditoria ba nia servisu rasik. Tanba bankada FRETILIN toman ona influensia instituisaun tribunál ne'ebé konforme, sé ita hanoin a favor ba ita husu nia atu halo auditoria, sé la a favor bele husu ba mós lalika halo auditoria“, tenik Patrocinio.

Nune'e mós, Virginia Ana Belo, hateten, durante eis Reprezentante Espesiál Governu ba Negosiasaun Fronteira Marítima (REGNFM), Kay Rala Xanana Gusmão nia negosiasaun ba FM ho Austrália no fronteira terestre ho Indonézia nia rasik la simu salariu, maibé simu de'it osan perdiem hanesan tékniku la'ós hanesan eis titulár.

“Osan sira ne'ebé selu advogadu sentraliza iha Dotação Todo Governo, sé advogadu ANPM no Timor GAP sira uza sira nia osan rasik, maibé husi Orsamentu Jerál Estadu (OJE), ita hotu hatene katak tinan tinan sempre iha auditoria husi Tribunal de Contas“, tenik Virginia. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker