GMN TV Politika FRETILIN prefere uza liafuan solidariedade ba asaun Xanana

FRETILIN prefere uza liafuan solidariedade ba asaun Xanana

0 views

Bankada FRETILIN iha uma fukun Parlamentu Nasionál (PN) kritika ho notísia balun ne’ebé hateten asaun ne’ebé líder karismátiku Kay Rala Xanana Gusmão halo iha munisípiu ne’e asaun karidade.

Tanba tuir FRETILIN preferensia uza liafuan asaun solidariedade, la’ós asaun karidade, tanba karidade ne’e hanesan fó esmola.

“Publikasaun notísia bai-bain uza liafuan karidade, karidade hanesan esmola, ita ba fó esmola ou iha solidariedade, ha’u hanoin liafuan sira ne’e ita tenke uza loloos mak solidariedade, ha’u nia hanoin líder nasionál hala’o asaun solidariedade ba nia povu ida ne’e mak loos, líder nasionál kaer ukun tinan barak ba hala’o esmola nia povu ita dezenvolve, ita nia  povu sei mukit hela mak atu ba fó esmola, média hotu tenke uza liafuan loloos mak solidariedade, tanba ita sentimentu ba ita nia maluk nia“, Xefe Bankada FRETILIN, Francisco Miranda Branco ba jornalista sira iha PN, Segunda (27-07-2020).

Deputadu FRETILIN ne’e sujere mós média sira atu uza liafuan ho loloos iha sira nia publikasaun notísia, tanba uza liafuan karidade, ne’e laloos, maibé tenke uza liafuan solidariedade.

Husi sorin seluk, Xefe bankada CNRT, Duarte Nunes, hateten, asaun solidariedade líder nasionál Xanana Gusmao ni’an, ne’e hetan suporta husi Timor-Oan balun, Xanana nia prezensa ne’e hanesan mensajen no fahe de’it sasan nesesidade báziku ba povu.

“Hanesan nia ba vizita fronteira ninia mensajen bele motiva populasaun atu ajuda COVID-19 labele tama populasaun nia partisipasaun importante, tanba ita hatene ita nia forsa la sufisiente. Prezensa líder nasionál hala’o asaun solidariade hanesan fasilita no hato’o de’it mensajen ba povu, maibé kona-bá sasan nesesidade báziku sira ne’e apoiu husi Timor-Oan, ida ne’e mak ita hotu lakohi, entaun sira halo ba mak ita haree took, labele koalia de’it, sé ida ne’e la di’ak, hatudu took ida di’ak ne’e, para ita halo komparasaun, sé la’e koalia de’it ema, maibé ha’u la hatene halo, ita atu halo nusa”, tenik Duarte.

Enkuantu, durante ne’e líder nasionál Kay Rala Xanana Gusmão vizita ona munisípiu Manufahi, Bobonaro, Lautem, Viqueque, Baucau no Covalima hodi halo asaun solidaridade ba povu. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker