Governu liu husi Konsellu Ministru (KM), aprova alterasaun orgánika Prezidensia Konsellu Ministru (PKM), hodi reforsa efisiensia ba asaun administrativa PKM, projetu dekretu lei ne’e aprezenta husi, Ministru Prezidensia Konsellu Ministru (MPKM), Fidelis Leite Magalhães.
Ministru PKM Fidelis Leite Magalhães, hateten, diploma ida ne’e atu haree ba estrutura Governu foun no estabelese kompetensia PKM konsidera mos natureza juridika espesifika, ne’ebé prezide husi Primeiru Ministru.
“KM aprova orgánika PKM, tamba nia hanesan fuan Governasaun nian, no orgaun sentral Governu nian, ne’ebé prezide husi PM no suporta husi PKM, ne’e laiha alterasaun bo’ot maibé refleta deit, mudansa pertinenti ida hanesan kompetensia balun, husi MRLAP nian muda hotu ba iha PKM nia okos,”dehan, MPKM, Fidelis Leite Magalhães, iha Palásiu Governu, Kuarta (01/07/2020).
Governante ne’e esplika, atu reforsa efisiensia ba asaun administrativa husi servisu administrativu, hodi organiza servisu sentral hirak ne’ebé hamahon a’an iha, diresaun Diretór Jerál Administrasaun nian.
“Esperensia MRLAP ba inovasaun administrativu sei reflete iha re-organizasaun administrativu PKM, liu husi Gabineti Apoiu Juridiku no Gabinete Reforma Administrativu hodi, halo preparasaun no implementasaun atu ministru ezerse duni kompetensia, sira ne’ebé preve ona iha artigu 13 husi orgánika VIII Governu Konstituisional,” hakuir, Fidelis.
Governante ne’e afirma liu tan, ho alterasaun orgánika PKM, fó mos kompetensia ba, Ministru Prezidensia Konsellu Ministru, sai Porta Voz Oitavu Governu Konstituisional.Cin
