GMN TV Politika Governu apoia altera no revoga LPV

Governu apoia altera no revoga LPV

0 views

Vise Ministra Solidariedade Sosiál no Inkluzaun (MSSI), Signi Chandrawati Verdial, hateten, Governu hetan konvite husi komisaun A Parlamentu Nasionál (PN) atu submete proposta lei rejime jurídiku seguransa sosiál ba titular, nune’e Lei Pensaun Vitalísia (LPV) ne’e bele integra ba seguransa sosiál.

“Ami hetan konvite husi Prezidente Komisaun A hodi submete proposta lei  ida rejimi jurídiku seguransa sosiál ba titular iha Lei Pensaun Vitalísia (LPV) iha futuru ita atu integra ba seguransa sosiál, ita hotu kontribui, inklui jornalista sira, ita hanoin iha futuru ita nia titular sira fulan-fulan kontribui, maske agora ita nia eis titular la kontribui, maibé sira hetan pensaun vitalísia, Governu iha vontade propoin ona ba PN apoiu husi deputadu sira hotu semana oin sira sei diskute”, Vise MSSI ba jornalista sira hafoin audénsia ho komisaun A PN, Kinta (23-07-2020).

Signi esplika, maneira atu integra iha rejime kontributivu seguransa sosiál eis titular ne’ebé simu pensaun vitalísia laiha direitu ba moras ka defisiensia, tenke uza pensaun ne’e rasik.

Maibé kuandu benefisiáriu ne’ebé kontribui ona ba seguransa sosiál bainhira moras sei hetan, maibé ba eis titular ne’ebé simu pensaun laiha direitu.

“Sé hakarak reklama ba subsídiu ba moras no iha situasaun inkapasidade ida ne’e tenke kontribui, sé nato’on ona ba ha’u la hetan direitu sira ne’e, tuir baze legal integra pensaun vitalísia ba seguransa sosiál lei númeru 12 hateten, sidadaun hotu-hotu tenke kontribui. Ita nia proposta lei ne’e hatene ona aprova husi PN programa husi VIII Governu iha kompromisiu eleitoral mós ita hateten sei halakon pensaun vitalísia ba eis titular sira no kria justisa sosiál ba ema hotu“, subliña Vise MSSI ne’e.

Vise Prezidente Komisaun A PN, Francisco de Vasconcelhos, hateten, Governu aprezenta projetu lei ne’e, hodi kumpre kompromisu eleitorál, tanba hetan krítika maka’as husi públiku.

Tanba ne’e, Francisco esplika, ho projetu lei ne’e, bele halakon ona LPV.

“Ohin komisaun A halo audénsia públika ho Vise MSSI kona-bá alterasaun ba LPV, ita hotu hatene preokupasaun públiku, liu-liu atu halakon LPV. Ita hotu hatene artigu uluk liu koalia kona-bá direitu deputadu sira ni’an, ne’ebé ladún justu, ita sei avansa ho seguransa sosiál ema sira ne’ebé servisu ba Estadu, hahú husi membru Governu, deputadu no funsionáriu sira fó ona nia kontribuisaun ko’a saláriu kada fulan. Ohin komisaun A halo audénsia ho Governu ne’e bele halakon ona LPV, tanba ne’e, semana oin komisaun A sei diskute relatóriu pareser molok diskusaun ho Governu. Ita tenke halo alterasaun no revogasaun atu harmoniza, tanba promesa eleitorál partidu polítiku foti ida ne’e nu’udár kompromisu polítiku, tanba ne’e, ita dehan lei ne’e la justu, ita presiza halo revogasaun”, tenik Vise Prezidente Komisaun A PN ne’e.

Entretantu Konsellu Ministru (KM) aprova proposta alterasaun LPV ne’e, iha loron 19, fulan Fevereiru, tinan ne’e no iha loron 24, fulan Jullu, tinan ne’e, Governu aprezenta ba komisaun A PN atu bele hetan apresiasaun molok aprova.

Antes ne’e, Movimentu Universitáriu Timor-Leste (MUTL) halo ona krítika maka’as ba PN atu halo alterasaun la-lais ba LPV. Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker