Governu hahú halo análiza ba lei enkuadramentu Orsamentu Jeral Estadu (OJE) no jestaun finansas públika, atu nune’e bele hametin dezentralizasaun finanseiru no orsamentu bazeia ba programa Oitavu Governu.
Ministru Prezidensia Konsellu Ministru (MPKM), Fidelis Leite Mangalhães, informa, Primeiru Ministru (PM), mós fó orientasaun kona-ba, implementasaun ba lei, ne’ebé mak dadaun ne’e utiliza hela.
“KM halo analiza ida ba lei opsaun polítika lejislativa, kona-ba lei enkuadramentu OJE, no ba jestaun finanseiru públiku, simu mos orientasaun husi PM, kona-ba lisaun aprendidas sira, iha implementasaun ba lei ne’ebé mak ita iha,” dehan, Ministru Prezidensia Konsellu Ministru, Fidelis Leite Mangalhães, iha Palásiu Governu, Kuarta (22/07/2020).
Govenante ne’e esplika, reforma jestaun finansas públika sai nu’udar prioridade VIII Governu Konstitusionál ni'an, ida mós tuir saida maka estabelese iha ninia programa, no elementu esensiál ida mós husi reforma ne’e, mak revizaun ba lei kona-ba orsamentu no jestaun finanseira, atu nune’e bele hadi’a aprovizionamentu no hametin dezentralizasaun finanseira no orsamentu bazeia ba programa. Cin
