GMN TV Politika Governu promove transparánsia iha alokasaun rekursu tuir prioridade nasionál

Governu promove transparánsia iha alokasaun rekursu tuir prioridade nasionál

0 views

Ministru Prezidensia Konsellu Ministru (MPKM), Fidelis Leite Mangalhães, halo aprezentasaun kona-ba mekanizmu atu halo koordenasaun no monitorizasaun ba implementasaun husi reforma institusionál, koordenasaun no monitorizasaun ba implementasaun husi reforma institusionál, ne’ebé Governu implementa daudaun ho objetivu atu hadi’a jestaun no funsionamentu setór públiku.

“Ho aprezentasaun ida ne’e, atu hadia diak liu tan kordenasaun, kada komponenti reforma atu bele iha kordenasaun ne’ebé diak, no tutela husi komisaun ba kordenasaun, ne’ebé lidera husi PM no ajuda husi PCM, kompostu husi ministériu hirak ne’ebé mak responsabiliza, inisiativa reforma hirak ne’ebé lao hela,” dehan, Ministru Prezidensia Konsellu Ministru, Fidelis Leite Mangalhães, iha Palásiu Governu, Kuarta (22/07/2020).

Governante ne’e esplika, orsamentasaun tuir programa ne’e ninia objetivu mak atu promove transparénsia iha alokasaun rekursu tuir prioridade nasionál sira, no permite alkansa rezultadu hirak ne’ebé Estadu hakarak no estabelese responsabilizasaun ba rezultadu hirak ne’ebé prodús ona.

“Kona-ba koordenasaun no monitorizasaun ba implementasaun husi reforma institusionál sira ne’ebé Governu implementa daudaun ho objetivu atu hadi’a jestaun no funsionamentu setór públiku nian, nune’e mós asegura katak Estadu funsiona iha kuadru legalidade no seguransa jurídika efetiva ho dalan ne’ebé efisiente no efikás liu,” tenik, Fidelis.

Fidelis subliña liu tan, medida hirak ne’e interligada no partilla objetivu komún ida, presiza atu koordena, iha nivel ne’ebé aas liu, ninia dezenvolvimentu, implementasaun no monitorizasaun, liu-liu ho kriasaun komisaun koordenadora ida ne’ebé funsiona hanesan órgaun xapeu ba koordenasaun kona-ba reforma oin-oin, ne’ebé prezide husi Primeiru-Ministru no integra husi Ministru sira-ne’ebé sai nu’udar responsavel.

“Atu estabelese diresaun no vizaun jerál husi reforma no programa sira, koordena dezeñu, programasaun no implementasaun  konsistente husi reforma sira, promove sinerjia no kooperasaun entre reforma sira, hasai obstákulu no sobre pozisaun entre reforma sira, fó apoiu ba reforma sira no garante dezempeñu di’ak no implementasaun oportuna husi reforma sira”afirma, Fidelis. Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker