Governu liu husi Ministériu Koordenadór Asuntu Ekonómiku (MKAE), Joaquim Amaral, promete sei hasa’e kapasidade Timor-Oan sira ni’an, liu husi sentru formasaun hodi bele kompete diak liu tan iha merkadu traballu.
Governu sei kapasita Timor-Oan sira ne’ebé iha potensialidade, liu husi sentru formasaun hirak ne’ebé eziste, hodi prepara kualidade Timor-Oan sira ni’an, hodi kompete iha merkadu traballu ho di’ak.
Programa ne’e sai prioridade ba MKAE atu kapasita joven sira, iha área oi-oin liu husi formasaun sira, molok tama ba iha merkadu nasionál no internasionál.
Ministru Kordenadór Asuntu Ekonómiku, Joaquim Amaral kasu lia-hirak ne’e, hafoin termina lansamentu ba Programa Rekoñesimentu Abilidade Anterior, ne’ebé realiza husi Institutu Nasional de Dezenvolvimentu de Mão de Obra (INDMO), iha salaun ETDA, Fatuhada, Sesta (11/07).
“Hahú husi oin aplika kualidade avalia ne’e mak avaliador sira ohin ne’e 10 ne’e atu hahú faze foun koalia kona-ba sertifikasaun kualidade mão de obra ne’e mak Governu nia kompromete atu prepara traballador kualidade, atu bele tama merkadu, atu nune’e bele mós hetan selu pagamentu ne’ebé mak di’ak, atu nune’e sira bele moris ho kondisaun ne’ebé dignu, ne’e ohin ita hotu asiste eventu istóriku ida ohin programa Governu ni’an ba oin ne’e mak ne’e, ba oin ita aposta kualidade mão de obra”, dehan, Joaquim Amaral.
Sentru formasaun hirak ne’ebé eziste dadaun mak hanesan sentru formasaun Tibar, SENAI Becora, Dom Bosco Comoro, ETDA no selu-seluk tan. Ina
