GMN TV Politika Gregório Saldanha: Situasaun laiha mudansa, mosu ParPol foun

Gregório Saldanha: Situasaun laiha mudansa, mosu ParPol foun

1 views

Relasiona ho situasaun polítika ne’ebé Governu Timor-Leste sempre enfrenta impase polítiku no problema sira seluk (ezisténsia Governu la metin-red), Prezidente Interinu Partidu Timor Forte (PATIFOR), Gregório Saldanha, hateten, nune’e Partidu Polítiku (ParPol) foun mosu hodi hatan ba situasaun sira ne’e.

“Partidu ne’e harii, tanba nesesidade, situasaun ne’e mak obriga ita hodi harii, situasaun to’o agora nafatin hela de’it, Governu sempre la metin, situasaun ne’e konvida ita atu hatan buat ruma ho partídu polítiku la’ós ona ho komite 12 de Novembro, tanba nia servisu istória ni’an, nune’e ita hakarak hamri’ik hanesan obrigasaun, tanba ne’e ita nia responsabilidade”, Prezidente Interinu PATIFOR ne’e iha ospital antigu Lahane, Sábadu (26-07-2020), hafoin halo konsolidasaun iha suku Lahane Osidental, munisípiu Díli, hodi hato’o vizaun no misaun partidu ni’an.

Gregório husu mós ba komunidade sira atu labele dúvida ho pozisaun PATIFOR, tanbá laiha ligasaun ho Komite 12 Novembru nia ezisténsia, tanba nia parte asume hela kargu hanesan Prezidente Komite refere.

“PATIFOR eziste, tanba hakarak atu kontribui no hadi’a sistuasaun polítika rai-laran ne’ebé la hatudu mudansa iha tinan barak nia laran”, tenik Prezidente Interinu PATIFOR ne’e.

Entretantu durante konsolidasaunha suku Lahane Osidental, munisípiu Díli, komunidade kontinua hato’o preokupasaun, liu-liu liga ho edukasaun, saúde, agrikultura no infraestrutura, nune’e sira sei esforsu maka’as liu tan wainhira hetan oportunidade.

“Ami dezloka mai suku Lahane Osidental hodi halo introdusaun kona-bá partidu nia ezisténsia ne’ebé ohin loron akompaña relasiona iha situasaun polítika, PATIFOR halo introdusaun ba lala’ok ne’ebé sei estabelese iha tempu barak no atu introdus servisu la’o dau-dauk hela, hodi kumpre rekezitu ne’ebé estabelese husi Tribunál Rekursu (TR) hodi kumpre 20 mill kartaun eleitorál no servisu la’o iha munisípiu hotu no espera bele atinji objetivu, hodi formaliza formalmente hakat ba organizasaun partidaria ne’e”, informa Porta Voz PATIFOR, Gally Soares Araújo. Ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker