GMN TV Politika Halo polítika investimentu ba nasaun, Eis PR Horta: Governu labele muda ema tun-sae

Halo polítika investimentu ba nasaun, Eis PR Horta: Governu labele muda ema tun-sae

0 views

Eis Prezidente Repúblika (PR), José Ramos Horta, hatete, atu halo polítika investimentu no ekonómika ida diak ba futuru, VIII Governu labele muda ema tun-sae tuir hakarak, tanba ne’e sei implika ba prosesu tomak.

“Polítika investimentu, polítika ekonómika nasaun nian labele Governu ida mai muda tun-sa’e, hasai ema, hatama ema buat sira ne’e, tenke haree buat sira ne’e ho kuidadu. Halo diálogu, ha’u koalia ho partidu hotu, partidu kiik, ONG, grupu opozisaun, Governu, ha’u koalia hot-hotu”,dehan diplomata senior Timor-Leste José Ramos Horta ba jornalista GMN iha Díli, Segunda (27/7/2020), bainhira halo observasaun ba polítika investimentu ekonómika VIII Governu ninian.

Tuir Ramos Horta, kona ba rezignasaun líder karismátiku, Kay Rala Xanana Gusmão, ba pozisaun ne’ebé nia simu nu’udar Xefe negosiadór prinsipal fronteira marítima ne’e, sei fó impaktu bo’ot ba Timor-Leste.

“Maun bo’o Xanana iha esperiensia bo’ot teb-tebes, iha autoridade que ema iha Indonézia, Austrália respeita. ‘Ema’ seluk  sei laiha nia todan, nia peiju polítiku. nia iha koñesimentu no ekipa ne’ebé servisu ho maun Xanana, ekipa ne’ebé leal ba nia, tanba sira bo’ot ho nia, aprende ho nia, laiha ema seluk tan esperiensia nune’e. ita bolu ne’e mos polítika nasional, polítika de Estadu em que ita ema ida hanesan fundador nasaun, restaurador independensia Timor nian, ita labele halo desizaun la rona nia (Xanana), la konsulta ho nia, la hatudu respeitu ba nia. Buat ne’ebé maun bo’ot Xanana halo ne’e laos iha tempu luta deit, tempu post independensia mos manan ba ita fronteira marítima. Ne’eduni hau espera FRETILIN ho CNRT sei tur hamutuk para sira servisu hamutuk, FRETILIN mesak mos labele, CNRT mesak mos labele”,dehan Ramos Horta.

Kona fali ba desizaun VIII Governu nian ne’ebé forma husi koligasaun hodi la envolve Kay Rala Xanana Gusmão, iha polítika rai-laran ninian, Ramos Horta haktuir, ne’e sira nia responsabilidade, tanba sira mak ukun.

“Bom. Ne’e sira mak halo, la’os ha’u mak halo. Sira mak tenke sukat. Ha’u hatete deit, ha’u laiha partidu, ha’u koalia ho hot-hotu, ha’u hatudu ha’u nia respeitu ba FRETILIN que ha’u mos fundador, maibe lideransa FRETILIN mak tenke hatudu matenek, humildade no buka dalan oi-oin para hetan sustentabilidade polítika”,dehan tan Ramos Horta.

José Ramos Horta, afirma mos katak, kona fali ba partidu polítiku sira ne’ebé mosu ikus-ikus ne’e barak hodi kompete ba eleisaun sira tuir mai, ne’e direitu demokrátiku sidadaun sira nian atu harii partidu. Maibe tinan hirak sira tuir mai eleisaun ne’e, partidu kiik sira bele “hemu bee” ka hetan difikuldade atu hetan kadeira.

“Partidu kiik sira iha difikuldade atu hetan kadeira oan ida. Ha’u haree iha fulan sira ne’e nia laran ne’e ha’u haree Avo Nana (Xanana Gusmão) ba foho, ba ne’ebé-ne’ebé ba hotu, no nia hetan simpatia maka’as, ha’u hakfodak ne’e, povu agora ne’e mobilizadu maka’as los ba tuir maun Xanana, tanba sa? Tanba sira haree tinan sira ne’e nia laran ne’e, ita nia polítika tún, tún, foer liu tan, no sira konfia maun Xanana. Ne’eduni ha’u hanoin eleisaun mai ne’e partidu ida ka rua sei hetan maioria absoluta, partidu kiik-oan sira sei ahu-kdesan”,tenik Ramos Horta.

Iha situasaun polítika oras ne’e dadauk, mosu ona partidu barak hodi kompete iha eleisaun parlamentar tinan 2023 mai ne’e mak hanesan, Partidu Os Verdes, Partidu Timor Forte no seluk tan. GMN


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker