GMN TV Politika José Reis: FP labele sai instrumentu polítiku partidária

José Reis: FP labele sai instrumentu polítiku partidária

0 views

Vise Primeiru Ministru (PM) Planu Ordenamentu, José Reis, apela ba Funsionáriu Públiku (FP) sira tenke servisu ho profisionál  no labele sai fali instrumentu polítiku partidária.

“Governu ohin mai-aban sai, saída mak permanese ba FP ba instituisaun Estadu, tanba ne’e, ha’u husu ba FP sira hotu labele sai instrumentu ba polítiku partidária, hatudu profesionalizmu hodi bele hadi’a rai ida ne’e”, Vise PM Planu Ordenamentu ne’e iha bainhira partisipa iha serimónia lansamentu komemorasaun loron nasionál Komisaun Funsaun Públika (KFP) ba dala-6, iha Centro Convenções de Díli (CCD), Kinta (09-07-2020).

Governante ne’e afirma, funsionáriu administrasaun públika tenke asume responsabilidade servisu ho pasénsia, efikásia, hodi fó satisfasaun ba povu.

“Importante hotu-hotu halo esforsu tomak servisu iha públiku sustentável, prioridade no adapta konjuntura partisipasaun foun atu besik sidadaun hotu justu no igualdade nesesidade adaptasaun tempu. Tanba ne’e, ha’u fó parabéns ba FP hanesan ajente administrasaun públika ohin loron ida ne’e bele halo reflesaun”, tenik José Reis.

Prezidente KFP, Faustino Cardoso, hateten, iha ámbitu komemorasaun loron nasionál funsaun públika, hanesan oportunidade ba funsionáriu sira atu halo reflesaun no orden polítika ho orden burokrátiku tenke servisu hamutuk ho profisionál no orientasaun ida de’it.

“Sé profesionalizmu ita tenke tane aas no tau ba oin buat ida moe ka acanhado sei la mosu, sé ita konsiente ka la konsiente, intensionál ka la intensionál, monu iha tentasaun partidarizasaun ba an no partidarizasaun ba devér pesoál, ho situasaun ida ne’e mak acanhado ne’e bele mosu, aproveita loron nasionál KFP, oportunidade atu halo reflesaun orden polítika ho orden burokrátiku servisu hamutuk profesionál ho diresaun ida ka orientasaun ida de’it. Oinsa mak ita bele servisu hodi fó satisfasaun ba povu, hodi hakbesik ba bein estár tuir kantíku inu nasionál no marsa KFP, só ida ne’e mak ita bele fó orgullu ba povu no erói sira no fó orgullu ba an rasik, tanba iha aniversáriu ida ne’e tenke orgullu no merese. Maibé labele demaziadu, presiza auto krítika saída mak ita halo labele demaziadu no saída mak ita konkista, hodi buka hadi’a di’ak liu tan dezempeñu ba tinan oin”, tenik Prezidente KFP ne’e.

Iha komemorasaun loron nasionál Funsaun Públika ba dala-6, ne’e hala’o mós lansamentu ba sistéma Informasaun Administrasaun Públika (sigapnet) ne’ebé lansa husi Vise PM, Planu Ordenamentu, José Reis, hamutuk ho Ministru Turizmu Komérsiu no Indústria, no Prezidente KFP.

Tuir planu iha ámbitu komemorasaun refere sei realiza aktividade vizita Jardim Herois Metinaro, limpeza jerál, semináriu no misa agradesimentu. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker