Sekretáriu Estadu Formasaun Profissionál no Empregu (SEFOPE), Alarico do Rosário, rejeita informasaun kona-ba, traballadór Timor-Oan ne’ebé ba servisu iha Korea no Austrália fasilita husi partidu Kmanek Haburas Unidade Nasionál Timor-Oan (KHUNTO).
“Informasaun ne’ebé mak espalla, kona-ba Timor-oan ne’ebé ba servisu iha Korea no Austrália fasilita husi Partidu KHUNTO deit ne’e lá lós, tanba atu haruka Timor-Oan sira ba servisu iha rai 2 ne’e, tuir prosesu teste, no ema hirak ne’ebé mak ba antes ne’e teste ona iha Governu anterior, la’os iha mandatu Eis SEFOPE atual Vise MNEK”, deklara, Sekretariu Estadu Formasaun Profissionál no Empregu, Alarico do Rosário, iha Palásiu Governu, Kinta (02/07/2020).
Alarico relata, traballadór sira ne’ebé mak naran tama ona sistema foin haruka ba ne’e iha Governasaun antes, uluk KHUNTO seida’uk eziste oinsa mak atu haruka KHUNTO nia ema ba.
Governante ne’e esplika liu tan, prosessu atu ba Korea Timor-Oan sira ne’ebé mak tuir kursu Korea iha Becora, hanesan Sekretariu Estadu, inklui Diretor sira labele tama ba hodi impede, no kona-ba teste ne’e uza sistema online, ema ne’ebé fo teste iha Korea no ema ne’ebé tuir teste iha Becora, tanba rezultadu teste sei fo sai husi online.
“Tanba ne’e presiza koalia buat ne’ebé mak lós no justu, tamba ne’e, ema ne’ebé mak kalan toba nia mehi a’at husik nia koalia ba, tamba ita labele dun ema laiha evidensia, bainhira ida ne’e akontese duni, nia rasik mak sei ba hatan,” dehan, Alarico.
Tamba ne’e,Governante ne’e husu ba joven sira, atu prepara mentalidade no kapasidade hodi partisipa iha teste, tanba iha Timor-Leste laiha ema ida mak osan mean.
“Ha’u husu ba joven iha Timor laran tomak, prepara imi nia kapasidade no hadia mentalidade, hodi prepara a’an tuir teste, no sé de’it mak tuir teste liu nia iha direitu atu ba, tanba ne’e tuir prosesu legal, sei laiha ema ida mai husi kotuk ou sorin atu ba sein teste, tanba iha TL laiha ema ida mak osan mean no ema ida mak osan mutin,” afirma, SEFOPE Alarico. Cin
