GMN TV Politika Koloka Arão ba komisaun espesializada, Aniceto: Sei delibera husi plenária

Koloka Arão ba komisaun espesializada, Aniceto: Sei delibera husi plenária

1 views

Prezidente Parlamentu Nasionál (PN), Aniceto Guterres hateten, atu koloka deputadu Arão Noe ba komisaun espesializada, ne’e sei delibera  liu husi plenaria iha uma fukun PN.

Xefe segundu Órgaun lejislador hato’o kestaun ne’e relasiona to’o ohin loron eis Prezidente PN, Arao Noe seidauk envolve iha komisaun espesializada sira iha PN.

“Ha’u introdus ba plenária atu haree fila-fali deliberasaun sira ne’ebé uluk halo tiha ona iha primeira lejislatura kona-bá kompozisaun no númeru komisaun espesializada ida-idak ni’an. Tanba númeru komisaun sira ne’e pertense ba bankada ida-idak, kuandu Prezidente PN troka ba tuur iha nia fatin la mai tuur iha hau nia fatin. Ne’e hanesan prátika dezde inísiu Prezidente PN la tama iha komisaun ida, númeru sira ne’ebé fahe ba komisaun espesializada sura husi 64 deputadu menus ida. Prezidente parlamentu la tama iha númeru ne’ebé mak atu fahe ba komisaun sira, ne’e kestaun ida que diskutivel, hakarak atu sura husi 65 ka 64”, Prezidente PN ne’e ba jornalista sira iha PN, Kuarta (22-07-2020).

Nia akresenta, klaru tenke halo deliberasaun foun, ne’e mak sei prepara projetu deliberasaun ida.

“Ha’u hein katak sira mak tenke aprezenta projetu ne’e, klaru que sira trata no diskute di-di’ak ho asesór sira ne’e, liu-liu distribuisaun númeru sira ne’e depois aprezenta projetu mai plenária, hodi hetan aprovasaun deliberasaun iha plenária”, tenik Aniceto.

Antes ne’e, bankada CNRT konsidera FERTILIN mak taka dalan ba deputadu Arão Noe ne’ebé to’o ohin loron seidauk envolve iha komisaun espesializada sira iha PN. ety


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker