GMN TV Politika Komisaun C halo semináriu POFP

Komisaun C halo semináriu POFP

0 views

Atu halo ezekusaun orsamentu ho transparente di’ak no akuntavel, Parlamentu Nasionál (PN), liu husi Komisaun C, realiza semináriu Polítika Orsamental no Finansas Públika (POFP).

Tuir, Primeira Vise Prezidente Parlamentu Nasionál, Maria Angelina Sarmento, objetivu husi seminariu ne'e, atu partilla informasaun ba deputadu sira, oinsa atu halo ezekusaun orsamentu ho di’ak.

“Identifikasaun nesesidade partilla informasoens sobre asuntu polítika orsamental finansas públikas husi komisaun C ne'ebé nia natureza haree liu ba finansas públika ni'an ami haree pertinente tebes sesoens informativa ida ne’e, tanba deputadu sira presiza iha bagajen de informasaun teknika sobre ita nia kestoens finansas públikas, atu garante ezekusaun finansas públikas ho maneira ida transparente i akuntavel, tanba ne’e mak komisaun haree katak identifika parseiru ne'ebé iha interese bo’ot atu kopera ho PN,” dehan, Maria Angelina Sarmento, ba GMN iha Baucau, Sesta (17/07/2020).

Iha fatin hanesan mos, Kordenadór Jeral Osan Povu Nian Jere ho Di’ak, Rui Denis hateten, inisiativa apoiu semináriu ne'e, oinsa atu prepara deputadu sira, atu halo ezekuasaun Orsamentu Jerál Estadu (OJE) ba tinan 2020 no 2021.

Total orsamentu ne'ebé apoiu ba seminariu ne'e, ho montante millaun 14 USD, no semináriu ne’e sei hala’o mós iha munísipiu sira seluk.

Apoiu ne’e la’os ba PN de’it, maibé sei fó mós ba pareseiru hirak ne’ebé mak halo ona koperasaun ho institutu camões no Uniaun Europeia.

“Ami apoiu no reforsa ho kapasidade no kompetensia ne’ebé instituisaun supervizaun finansas públika PN hanesan instituisaun ho nia funsaun atu responsabilidade relevante tebes no koordenasaun ho fiskalizasaun finansas públika kontrolu orsamental no ami dezenvolve hamutuk inisiativa ho seminariu ne’e, hodi fahe informasaun ho kuadru tékniku ho PN ne’ebé ligadu ho kestaun orsamental finansas públika”, haktuir, Rui Denis.

Nune’e mós la haluha, Prezidente Komisaun C, Maria Angelica Rangel, agradese de parseiru liu-liu institutu Camões no Uniaun Europeia, ne’ebé mak hamutuk ho PN, liu-liu komisaun C, hodi fahe  informasaun, nune’e bele komprende di’ak kna'ar, tanba PN hanesan Órgaun Lejisladór.

“Ita atu halo knar hanesan órgaun fiskalizadór atu bele intende liu tan kna'ar ita nia no mós ita bele aprende tan, hodi nune’e ita bele fó hanoin mós ba governu tanba ita mak fó osan ba sira aprova osan ba sira, hodi nune’e ita bele la’o tuir saida mak ita atu halo, tanba ne’e ha’u agradese parseiru Uniaun Europeia”, tenik, nia.

Tuir planu semináriu kona-ba polítika orsamental no finansas públika ne’e, sei hala’o mós iha munisípiu sira seluk.

Hafoin seminariu ne’e fahe mós, sertifikadu ba deputadu sira, husi komisaun C inklui funsionáriu no tekniku PN nian. Ina


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker