GMN TV Politika Laiha distansiamentu sosiál, PN husu Governu halo limitasaun ba ema tama iha FT

Laiha distansiamentu sosiál, PN husu Governu halo limitasaun ba ema tama iha FT

0 views

Prezidente komisaun F iha Parlamentu Nasional (PN), ne’ebé trata asuntu saúde, veteranu, jéneru no sosiál, deputadu Noe da Silva, husu ba Governu atu halo limitasaun ba ema ne’ebé tama iha Fronteira Terestre (FT), tanba laiha distansiamentu sosiál, nune'e sei lori risku bo’ot ba Timor-Leste atu afeta hikas pandemia COVID-19.

Iha vizita fiskalizasaun ne’e, reprezentante povu ne’e observa katak, espasu ba atende pasajeiru iha fronteira limitadu, tanba ne’e, nia parte sujere ba Governu, atu bele halo limitasaun simu pasajeiru ne’ebé tama, tanba bainhira simu pasajeiru barak, sei aumenta mós pezu ba orsamentu, hodi sustenta durante kumpre kuarentena, inklui ameasa boot ba kazu COVID foun iha Timor-Leste.

“Iha Batugade ne’e ita detekta problema 3, mak ida distansia sosial seidauk iha, seluk ita nia kuarentena ne’e seidauk atinji di’ak, tanba bee moos seidauk lancar no sentina sira ne’e sei fo’er hela, depois ema ne’ebé atu kontrola iha kuarentena ne’e seidauk funsiona ho di’ak.

Ida fali konb-bá funsionariu sira ne’ebé servisu iha ne’ebá ne’e presiza fó atensaun di-di’ak, tanba iha balun mós seidauk simu sira nia direitu ba subsidiu.

"Husi komisaun nia haree, presiza limita duni (ema tama) tanba kestaun moras ida ne’e, ema sirkula maka’as ona iha ita nia rai, se ita la limita, se mak imajina katak moras ne’e sei la mai ita nia rain, prevensaun mak importante duke ita kura”, Noe Da Silva ‘Buka Tuir’, bainhira halo fiskalizasaun iha munisipiu Bobonaro, Kuarta (08/07/2020).

Iha tempu hanesan, Diretora Jerál Saúde, Odete Viegas, afirma, maske Estadu Emerjensia termina seidauk to’o fulan, maibe dadaun ne’e ema kuaze atus-ida liu mak kumpre ona prosesu kuarentena, tanba laiha limitasaun ba ema tama iha  fronteira, maske semana ida loke fronteira dala ida de’it.

Nune’e, Odete mós rekoñese katak, ho situasaun iha fronteira lori risku boot ba kazu COVID foun, bainhira laiha limitasaun ba atendimentu.

“ Movimentu ema tama sai maka’as, ema atu tama no sai, ohin (foin dader de’it) ami haree ema tama kuaze 70 tall e tall pessoas ona, maibe balun sei nadodon hela".

Servisu Alfandega, imigrasaun ho saúde di’ak, maibe presiza mak atu organiza-an di’ak liu tan, tanba ema tama no sai rungu-ranga loos.

"Ha'u nia proekupasaun ida mak, ema sira ne’ebé mak tama hosi liur mai ho ema ne’ebé mak mai foti sasán, kuandu mai foti sasán iha laran, ema sira foti sasán ho tama mai ne’e hamutuk de’it, ida ne’e rizku boot fali ba ema sira servisu alfandega no mós ema sira ne’ebé mai foti sasán bele kontamina, tanba kontaktu ho ema sira tama mai ne’e".

"Ho observasaun ami nian ne’e, fila ami sei halo mekanizmu koordenasaun ida ho alfandega no imigrasaun, nune’e organiza di’ak liu tan, ne’e semana ida tama dala ida, se ita imajina loro-loron ema tama, ne’e sei problema boot”, tenik Odete.

Alende ne’e, Komisaun F mós halo observasaun direita ba fatin kuarentena iha Batugade, no  haree katak fatin refere seidauk bele akumula ema, tanba laiha bee moos.

Iha fiskalizasaun ne’e mós haree katak, estudante Timor-Oan barak komesa sai ona ba Indonésia hodi kontinua estudu, hafoin Estadu Emerjensia durante fulan tolu, maibe númeru pasajeiru ne’ebé tama kuaze boot liu, kompostu Timor-Oan balun no liu-liu ema estranjeiru.

Antes Timor-Leste konsege rejista kazu pozitivu COVID-19 kuaze rua-nulu resin, maibe rekoperadu hotu, laiha númeru mate. Say


Banner

Foto

Notisia Ikus

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker