GMN TV Politika Limita direitu no liberdade, PR veta dekretu vijilánsia sanitáriu

Limita direitu no liberdade, PR veta dekretu vijilánsia sanitáriu

0 views

Prezidente Repúblika (PR), Francisco Guterres “Lú Olo”, iha Segunda, loron 27, fulan ne’e, veta dekretu lei kona-bá rejime jurídiku vijilánsia epidemiolójika no vijilánsia sanitaria, tanba la tuir konstituisaun RDTL.

Tuir publikasaun komunikadu imprensa ne’ebé GMN asesu husi gabinete média Prezidensia Repúblika katak, Konsellu Ministru (KM) aprova dekretu lei ne’e iha loron 17, fulan Juñu liu bá, ne’ebé aprezenta husi Ministériu Saúde (MS) kona-bá rejime jurídiku ba vijilánsia epidemiolójika no vijilánsia sanitária.

Husi dekretu lei ne’e Governu, liu husi MS hakarak hatuur regra kona-bá oinsá proteje no promove saúde públika, liu-liu kona-bá moras sira ne’ebé hada’et husi ema ba ema (Infecto-Contagiosa-red).

Iha loron 25, fulan Juñu, tinan ne’e, Governu haruka diploma ne’e ba PR, atu bele intende artigu sira iha diploma ne’e haktuir ona konstituisaun RDTL ou lae.

Maibé Xefe Estadu haruka fali diploma ne’e ba Tribunál Rekursu (TR) hodi halo fiskalizasaun preventiva konstitusionalidade katak, instánsia ne'e presiza haree uluk, sé diploma ne’e tuir konstituisaun RDTL, iha artigu 85, alínea (e), iha artigu 149 númeru 1, konjuga hamutuk ho artigu 164 no artigu 126 númeru 1, alínea (b).

PR Lú Olo husu atu haree di-di’ak diploma husi Governu iha artigu 16, artigu 25, artigu 27, artigu 28 no artigu 29 katak, dekretu lei ne’e limita direitu liberdade no garantia ne’ebé konstituisaun RDTL fó ba ema ne’ebé tuir loloos Parlamentu Nasionál (PN) mak iha kompeténsia ba halo ida ne’e, la’ós Governu nia kompeténsia.

“PR husu atu haree di-diak diploma husi Governu iha artigu tuir mai, artigu 16 kona-bá vijilánsia ba kontaktu iha komunidade (la hateten loloos sá medida “restrisaun sosiál” mak foti), medida vijilánsia sanitária ordinária kona tratamentu obrigatóriu previstu iha artigu 25, medida vijilánsia sanitária estraordinária previstu iha artigu 27, (obrigadu sulan-an iha uma iha área afetada, konfinamentu obrigatóriu ba grupu ema iha lokál, edifísiu ka meius transporte, serka sanitária sira, rekizisaun beins, estabelesimentu, servisu no profissionais saúde), deklarasaun  grave emerjénsia saúde públika prevista iha artigu 28 no medida restrisaun ba sirkulasaun iha luron ne’ebé bele akompaña mós ho kuarentena obrigatória no serka sanitária previstu iha artigu 29”.

Alende ne’e, TR mós konsidera dekretu lei ne’e inkonstitusionál, tanba iha artigu balun fó implikasaun ba direitu, liberdade sirkulasaun sidadaun ni’an.

Tanba ne’e, TR mós konsidera atu limite direitu, liberdade sidadaun ni’an ne’e kompeténsia PN ni’an bele regula husi lei, la’ós dekretu Governu.

Haree ba akórdaun no mós ba númeru 4, artigu 88 no númeru 3 artigu 149 konstituisaun RDTL, PR veta juridikamente dekretu lei ne’e, tanba dekretu lei ne’e la hatuir konstituisaun RDTL. san


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker