Ministra Negósiu Estranjeiru no Kooperasaun (MNEK), Adalgiza Magno, informa, Governu ninia intensaun loke fila-fali aeroportu ne’e, atu fó prioridade liu ba diplomata, traballadór, delegasaun no sira ne’ebé iha nesesáriu hodi tama mai Timor-Leste.
“Timor-Oan bele fila, maibé asesu aviaun mak bele fila, mai tenke kuarentena, sira ne’ebé diplomata servisu iha ne’e bele mai kualker tempu, sé Timor-Oan hakarak mai bele mai, agora sé fronteira terestre taka hotu, agora karik sira bele selu aviaun Air North, entaun bele mai, em prinsípiu seidauk autoriza ema ne’ebé laiha nesesáriu”, MNEK ne’e iha Palacio do Governo, Kuarta (01/07/2020).
Governante ne’e hateten, Timor-Oan hotu bele tama wainhira transporte aéreo komesa ona halo movimentu, tanba dau-dauk ne’e, husi Ministériu Interior (MI) seidauk deklara loke fronteira terestre ba sidadaun sira hakat liu fronteira.
Husi sorin seluk, Ministra Saúde (MS), Odete Maria Freitas Belo, esplika, sidadaun sé de’it bele tama mai Timor-Leste wainhira priense ona rekezitu COVID-19 ni’an, liu-liu iha atestadu médiku deklara livre husi virus refere.
“Ami koordena malu ona MI no MNEK, ami sei enkontru hodi haree para parte tolu bele halo jestaun ba fronteira, agora migrasaun mak bele bandu sira mai ou lae, ami MS nia kna’ar mak atu halo prevensaun, tenke iha regra ruma, ami hato’o ona dekretu lei ruma iha Prezidente Repúblika (PR) nia fatin no ami tenke haree nia aprovasaun, sira tenke mai no bainhira kriteria sira ne’e laiha ita sei la simu sira”, dehan Odete.
Durante Estadu Emerjénsia Governu rasik simu ona sidadaun husi estranjeiru ne’ebé ho nesesidade hanesan traballadór, diplomata no delegasaun husi ajensia sira, maibé tenke liu husi aprovasaun husi Primeiru Ministru. Ida
