GMN TV Politika Luis husu deskulpa ba igreza-sarani Katólika

Luis husu deskulpa ba igreza-sarani Katólika

0 views

Deputadu bankada Kmanek Haburas Unidade Nasionál Timor-Oan (KHUNTO), Luis Roberto, rekoñese ona ninia sala hodi husu deskulpa ba igreja, sarani Katólika no Padre sira, relasiona ho ninia deklarasaun antes ne’e iha Parlamentu Nasionál (PN) katak, Padre sira hakarak halo polítika, hasa’i tiha batina hala’o polítika.

“Bainhira ha’u hasai deklarasaun ne’e mak kontra no sala, ha’u husu deskulpa ba igreja no sarani tomak nu’udár sarani Katólika no mós liu husi bankada KHUNTO husu deskulpa, tanba nu’udár sarani la sees husi sala“, Deputadu KHUNTO ne’e liu husi ninia intervensaun iha plenária, Segunda (20-07-2020).

Luis husu mós ba públiku atu labele haree de’it ninia sala, maibé haree mós buat loos ne’ebé nia parte halo ona.

“Atan ha’u ho haraik-an husu deskulpa hakarak povu no sarani sira labele haree ha’u nia sala de’it, maibé haree mós ha’u nia loos, bele mós haree loos no sala”, tenik deputadu KHUNTO ne’e.

Deputadu KHUNTO hato’o deklarasaun katak, Padre sira hakarak halo polítika, hasa’i tiha batina hala’o polítika, ne’e relasiona ho vídeo omília Padre balun ni’an ne’ebé virál iha Média sosiál (MedSos) kona-bá juramentu partidu KHUNTO nini’an ne’ebé sai polémika iha rai-laran.

Antes ne’e, Konselleiru máximu partidu KHUNTO, José dos Santos “Naimori” Bukar mós dezafia Padre sira atu debate kona-bá juramentu partidu KHUNTO ni’an, tanba tuir Naimori juramentu ne’e hanesan meius ida atu hametin unidade Timor-Oan ni’an.

KHUNTO husu públiku uza MédSos ho di-di’ak

Bankada Kmanek Haburas Unidade Nasionál Timor-Oan (KHUNTO) iha uma fukun Parlamentu Nasionál (PN) husu ba públiku atu labele uza Média Sosiál (MédSos) sai instrumentu ne’ebé la di’ak, hodi sobu unidade nasionál Timor-Oan nini’an.

“Jerasaun foun utiliza ita boot sira nia matenek, uza tempu ida ita hamutuk dezenvolve rai Timor ba future, labele uza MédSos hodi hasai instrumentu ne’ebé mak la di’ak, hodi sobu unidade nasionál iha Timor-Leste. Ha’u apela mós ba foinsa’e sira atu utiliza matenek hodi sai masin, labele sai beneno ba komunidade, nune’e lori dezenvolvimentu Timor-Leste ba futuru”, Deputadu bankada KHUNTO, Luis Roberto liu husi ninia intervensaun iha plenária, Segunda (20-07-2020).

Alende ne’e, nia parte rejeita mós informasaun ne’ebé hateten, grupu ne’ebé harahun estatua iha fatu ahi envolve husi membru partidu KHUNTO ni’an.

“Ami hakarak hateten ami rejeita, tanba informasaun ne’e laloos. Ami husu ba polísia atu buka tuir no halo investigasaun ba suspeitu ne’ebé hatudu hahalok iresponsabilidade no kria instabilidade iha Timor-Leste, husu nafatin komunidade no joventude sira fó liman, hodi kria unidade nasionál hodi hametin estabilidade iha ita-nia rai laran hodi partisipa iha dezenvolvimentu nasionál Timor-Leste“, tenik Luis. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker