GMN TV Politika Luis lamenta padre nia omília temi juramentu KHUNTO

Luis lamenta padre nia omília temi juramentu KHUNTO

0 views

Deputadu bankada Kmanek Haburas Unidade Nasionál Timor-Oan (KHUNTO), Luis Roberto, lamenta ho padre balun nia omília wainhira prezide misa, hodi koalia kona-bá juramentu partidu KHUNTO nini’an, tanba tuir nia juramentu ne’e meius ida atu hametin unidade nasionál, la’ós atu kontra nasaun.

“Liafuan juramentu akontese iha ami nia partidu juramentu hanesan meius ida husi parpol, maibé la signifika atu obriga sidadaun atu tuir juramentu, maibé ne’e liberdade sidadaun ni’an. Razaun saída mak alerjia ho juramentu, sente atu lakon ou oinsa. Koalia kona-bá ha’u nu’udár sarani Katólika ita ida-idak ezerse nia papel, padre hakarak halo polítika hasai batina, ha’u la’ós kontra Jezus, ami la’ós kontra Maromak, padre mós sala na’in hanesan ita, razaun saída mak padre halo omília iha igreja lori Maromak nia liafuan hodi hatun”, deputadu bankada KHUNTO ne’e liu husi ninia intervensaun iha plenária, Tersa (14-07-2020).

Luis akresenta, maske iha Parlamentu Nasionál (PN) koalia oinsa de’it mós, iha liur sidadaun barak mak tuir ona juramentu, tanba liberdade demokrasia labele limita ema nia direitu.

“Juramentu husi partidu KHUNTO ne’e hanesan meius ida husi partidu ni’an, la’ós atu sobu nasaun, maibé juramentu hanesan atu hametin unidade nasionál”, tenik deputadu bankada KHUNTO ne’e.

■ Assanami: Padre sira iha direitu koalia ba polítiku sira

Maibé deputadu bankada Partido Democrático (PD), Mariano Assanami Sabino, husu ba deputadu sira atu labele nega partisipasaun igreja Katólika iha luta ba ukun rasik-an.

“Ha’u hakarak fó korajen ba ita hotu, ita labele nega no husik hela saída mak kompromisiu luta ho igreja Katólika, hahu husi líder nasionál Kay Rala Xanana Gusmão bainhira hasoru Dom Martinho iha munisípiu Lautem, hahu husi prosesu ne’e mak igreja hola parte. Padre sira iha direitu tomak atu koalia ba polítiku sira ne’ebé iha responsabilidade, tanba nu’udár bibi-atan ida iha direitu, padre sira laiha politika ba kadeira ni’an. Ha’u hanoin batina mutin ida rezisténsia ita hatene no koñese di’ak tebes, tanba iha situasaun difísil ita sira ne’e barak mak uza batina mutin, nune’e bapa labale baku hodi to’o iha fatin padre no madre sira atu kontinua mantein saída mak sira tenke kumpre atu haree sidadania”, tenik Assanami.

Entretantu antes ne’e, konselleiru partidu KHUNTO, José dos Santos Naimori “Bukar” mós dezafia padre sira atu debate kona-bá sira nia juramentu ne’e. Ety


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker