Konsellu Kombatentes Libertasaun Nasionál (KKLN), sei halo verifikasaun ba dadus Veteranus tinan 2019, bainhira iha ona fatin permanente.
“Ami koalia ona atu prepara reabilitasaun ruma fazeadu, atu nune’e konsellu bele hala’o nia administrasaun, nune’e konsellu bele haree ona dadus veteranus tinan 2019,” afirma, Ministru Asuntu Kombatentes Libertasaun Nasionál, Júlio Sarmento ‘Meta Mali’, iha Palásiu Governu, Tersa (14/07/2020).
‘Meta Mali’ hatutan, kona-ba atu buka fatin seluk oferese ba, grupo arte moris ne’e responsabilidade, Sekretariu Estadu Arte No Kultura.
“Nune’e hamosu perguntas arte sira sei ba ne’ebé..? ida ne’e ami sei koalia ho Sekretariu Estadu Arte no Kultura, hodi responsabiliza no fo resposta ruma ba hirak ne’ebé iha Arte Moris, atu haree fali fatin seluk oferese ba Arte Moris, ne’e kompetensia Sekretariu Estadu Arte No Kultura nian, la’os kompetensia ami nian, kompetensia ami nian mak fatin ne’e entrega ona, ami tenke hadia, atu nune’e konsellu bele uza halo servisu,” subliña, Júlio ‘Meta Mali’.
Alende ne’e, Konsellu Ministru ne’ebé lidera husi, Xefi Governu Taur Matan Ruak, iha loron 6, fulan ne'e, deside fatin Arte Moris, hodi oferese ba KKLN atu bele halo servisu. Cin
