Ministru Obras Públikas, Salvador Eugénio Soares dos Reis Pires, hahú lansa servisu komisaun ba avaliasaun impaktu ambiente ba projetu drainajen Díli laran, antes atu implementa.
Lansamentu ba Servisu Komisaun ba Avaliasaun Impaktu Ambiental ba Projetu Drainajen iha Sidade Dili ne'e hala'o iha Tersa (07/07), iha edifisiu MOP, Caicoli, Díli.
Ministru Obras Públika, hateten, projetu drainajen Díli laran ne'e importante tebes, tamba bele asegura komunidade husi mudansa klimatika, inundasaun no abitante sira iha Díli laran.
“MOP hahú lansa Servisu Komisaun ba Avaliasaun Impaktu Ambiental ba Projetu Drainajen Díli laran ne’e atu avalia di-diak ba projetu planu mestre saneamentu drainajen ne’e, para abanbainrua implementa projetu ne’e la’o ho diak, hodi fó benefisiu ba abitante sira” , Ministru Obras Públika ne'e ba jornalista sira, Tersa (07/07/2020), iha edifisiu MOP Caicoli, Díli.
Projetu planu mestri saneamentu drainajen ne’e, finansia husi Millennium Challenge Corporation ho total orsamentu totok USD 200.
Sekretáriu Estadu Meiu Ambiente, Deometrio Amaral, hateten, projetu drainajen Díli laran ne’e Ministru Obras Públikas no Sekretáriu Estadu Meiu Ambiente sei implementa iha zona Oeste, Leste no zona Sentrál.
No ba abitante hirak ne’ebé afetadu ba projetu drainajen ne'e, Deometrio Amaral, esplika, Governu planeia ona hodi distribui fixa kadastrais ba komunidade afetadu sira, nune’e Governu bele buka solusaun.
Sekretáriu Estadu Meu Ambiente dehan, impaktu ambiental ne’ebé sei mosu iha implementasaun projetu drainajen ne'e mak mota hirak ne’ebé presiza haluan no muda husi nia fatin no sira seluk tán.
Projetu drainajen Díli laran hamutuk 75 kilometru no sei iha 37 kanalizasaun. Tos
