Bankada Demokrátiku (PD) iha Parlamentu Nasionál (PN), eziji ba VIII governu Konstitusional lideradu Primeiru Ministru, Taur Matan Ruak, atu halo pagamentu ba projetu 40 resin husi total projetu 142 ne’ebé governu halo ona pagamentu 90 resin.
“Prosesu ajudikasaun ho prosesu emerjensia ne’e prosesu administrasuan ida ne’ebé mak iha ona kontinuasaun, maibe selu ne’e importante, tanba kompaña sira mak kria kampu de servisu, no Kompanhia lubuk ida mós mak deve hela hodi halo tiha projetu emerjensia sira ne’e, maibe governu la selu tiha fali”, deputadu bankada PD, Mariano Assanami Sabino, hato’o asuntu ne’e iha plenária, Segunda-feira (06/07/2020).
Assanami hateten, enkuantu governu kontinua dada pagamentu ba Kompanhia sira, ida ne’e hanesan hamate kompanhia sira atu dezenvolve an.
“Ne’e ita hamate Kompanhia ne’e, orsida buat hotu-hotu ne’e ema kompanhia hosi rai liur mak ka’er, la apoiu hosi rai laran ona, tanba ita la fó apoiu ba ida ne’e, ne’e seriedade governu nian”, afirma Assanami.
Deputadu PD ne’e hateten, enkuantu empreza sira ervisu remata ona, funan ne’ebé mak kompanhia sira selu fali ba banku ne’e, governu tenke haree fali ba ida ne’e.
“Husu ba kompanhia sira ne’ebé remata ona konta ninia funan, depois tau para ita haré, ida ne’e ita tenke halo para iha repsonsabilidade hosi governu, la’e ita fó depois laiha responsabilidade, no fó sala fali ba kompanhia, problema ajudikasaun ne’e prosesu administrasaun”, Assanami afirma.
Antes ne’e, deputadu sira iha Kinta lejislatura, kria komisaun inkéritu Parlamentár, hodi halo verifikasaun dadus kona-bá projetu emerjensia hamutuk 142 ne’ebé rejista iha Konsellu Administrasaun Fundu Infraestrutura ka KAFI.
Maibe relatóriu hosi verifikasaun ka fiskalizasaun komisaun inkéritu ne’e rasik, lakonsege lori to’o plenária, tamba nulu tiha, nune’e la lakonsege halo votasaun iha komisaun rasik.
Projetu 142 ne’ebé rejista iha Konsellu Administrasaun Fundu Infraestrutura (KAFI) no Komisaun Inkéritu Parlamentár (KIP) indetifika ne’e governu halo ona pagamentu ba projetu ho pakote sia-nulu resin hosi projetu emerjensia 142 ne’e, no hela de’it haat-nulu (40) resin mak seidauk halo pagamentu, tanba laiha kontratu. Say
