VIII Governu ne’ebé mak lidera husi Primeiru Ministru (PM), Taur Matan Ruak, fó orden ba kada ministériu tenke tau atensaun ba nesesidade povu nian.
Primeiru Ministru (PM), hato’o lia hirak ne’e, iha retiru Oitavu Governu Konstituisionál nian iha Ministériu Finansas (MF), hodi hametin servisu ekipa ho nune’e, Xefe Governu ne’e konvida Membru VIII Governu, hodi simu orientasaun atu bele reforsa servisu kada ministériu.
Ho ida ne’e, Xefe Governu Taur Matan Ruak, fó orden ba Ministra Negosiu Estanjeiru no Kooperasaun, Adalgiza Magno, atu tau atensaun nafatin ba, Timoroan iha estranjeiru, nomos husu Ministru Turizmu Komersiu no Industria, José Lucas do Carmo atu implementa programa presiza, iha ligasuan ho kondisaun povu nian.
Nune’e, Ministra Negosiu Estranjeiru no Kooperasaun, Adalgiza Magno haktuir, Primeiru Ministru orienta Ministériu Negosiu Estranjeiru no Kooperasaun, reforsa koperasaun bilaterál ho nasaun ASEAN, atu nune’e nasaun seluk bele koñese Timor-Leste.
“Ami koalia kona-ba TL atu adere ba ASEAN, no PM esplika kona-ba foin lalais ne’e halo enkontru ho embaixador sira, hodi esplika kona-ba situasaun polítika rai laran inklui oinsa atu rekopera ekonomia rai laran, tambá ne’e PM husu atu MNEK tau atensaun nafatin ba sidadaun Timoroan sira iha rai liur,” dehan, Ministra Negosiu Estranjeiru no Kooperasaun, Adalgiza Magno, iha Palásiu Governu, Kinta (02/07/2020).
Governante ne’e esplika, PM koalia ona ho nasaun seluk hodi aselera lalais, Timor-Leste tama ba ASEAN.
“Ho ida ne’e Xefe Governu husu atu MNEK reforsa kooperasaun bilateral ho nasaun ASEAN, atu nune’e ita nia rai ida ne’e, bele koñese iha rai seluk,” afirma, MNEK.
Iha fatin hanesan, Ministru Turizmu Komersiu no Industria, José Lucas do Carmo, subliña, Ministériu Turizmu Komersiu no Industria, presiza maksimiza rekursu ne’ebé iha, atu nune’e bele benefisia sosiedade.
“PM husu atu MTCI halo kooredansaun ho Ministérium sira hotu, no programa ne’ebé MTCI atu implementa presiza, han malu ho nesesidade povu nian, iha área turizmu nian presiza maksimiza rekursu hotu hodi bele benefisia sosiedade,” afirma, José Lucas.
Governante ne’e afirma liutan, husi Ministériu Turizmu Comersiu no Industria (MTCI), propoin orsamentu ba tinan ida ne’e Millaun USD 3.023, sei uza ba fulan rua, atu nune’e bele kobre hotu progarama ne’ebé mak sei implementa, maibé ho orsamentu ne’e sei halo fila fali ezersisiu. Cin
