GMN TV Politika PN aprova ona projetu lei MPCC ho unanimidade

PN aprova ona projetu lei MPCC ho unanimidade

0 views

Deputadu kinta lejislatura iha Parlamentu Nasionál (PN) aprova ona ho unanimidade projetu lei Medidas Prevensaun no Kombate Korupsaun (MPCC_sigla portugés) ne’ebé durante públiku hein kuaze tinan barak ona.

Vise Prezidente PN, Maria Angelina Sarmento, sujere atu kapasita no hasa’e kualidade rekursu iha instituisaun KAK no PDHJ, atu bele koresponde ho lei MPCC ne’ebé aprovadu iha PN.

“Presiza kapasita no hasa’e kualidade instituisaun Estadu sira ne’ebé mak iha kompetensia atu kombate no prevene krime korupsaun ni'an, hanesan KAK, PSIK, PDHJ, Inspesaun Jerál Estadu, inklui Kamara de kontas”, Vise Prezidente PN ne'e liu husi iha diskusaun finál global ba projetu lei MPCC, Segunda (20/07/2020.)

Nia dehan, ho projetu lei refere iha sira nia mandatu bele koresponde ho lei MPCC ne’ebé aprova ne’e, maibe labele pesimista lai ba ninia implementasaun.

“Kuandu iha ninia implementasaun mak iha ninia defisiensia iha lakuna sira, bele iha posibilidade ba ita lejisladór sira atu halo revizaun, importante mak ita iha tiha lai lei ida atu bele implementa, hodi ita hotu hamutuk kontribui ba prevene no kombate korupsaun iha ita nia rain”, afirma deputada PLP ne’e.

Iha biban hanesan, eis Prezidente PN, Arão Noe Amaral, sujere atu estabelese divizaun hotu iha kada munisípíu, inklui RAEOA, nune’e bele halo akompañamentu ba servisu Estadu ni'an.

“Ho nune’e Governu mós tenke tau osan ba KAK, atu bele fasilita hodi hala’o servisu. KAK presiza atu aumenta tan nia funsionarius, para bele halo akompañamentu ba rejistu bens no moveis iha munisípiu sira”, tenik Arão Noe.

Alende ne’e, deputadu PD, Mariano Assanami Sabino, husu atu hadi’ak sistema servisu iha Governu, atu nune’e labele fó risku ba governante sira, maske prezensa lei ne’e atu prevene mal administrasaun.

“Importante liu ba KAK ho PDHJ agora mak Governu tenke tau osan para bele evita ona mal administrasaun ho korupsaun ne’e, ida ne’e mak importante liu, ita la’os hein para atu kastigu de’it Timor-Oan sira, ita hein para prevê lei ida ne’e atu halo sistema ne’ebé di'ak liu”, afirma Assanami.

Deputadu PD ne’e haktuir, dalaruma sistema ne’e la di’ak, nune’e dalaruma membru Governu mak deside fali, tuir loloos membru Governu ne’e la deside, nia aprova de’it.

“Kuandu sistema ne’e monta ho di’ak, maibe sistema la di’ak, buat hotu mai fali iha membru Governu mak deside, tanba ne’e mak ekipa inspesaun ida ne’ebé iha kada ministeriu ne’e, tenke envolve husi KAK no PDHJ”, rekomenda Assanami.

Entretantu projetu lei MPCC ne’e pasa ho votus a favór 61, kontra 0 no abstensaun 0, maibe deputadu na'in 4 mak la marka prezensa iha votasaun refere.

Projetu lei ne’e rasik propoin husi bankada FFRETILIN ho PD, nu’udar inisiativa deputadu kinta lejislatura ni'an. Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker