GMN TV Politika PN hahú resesu to’o 15 Setembru

PN hahú resesu to’o 15 Setembru

0 views

Deputadu sira Parlamentu Nasionál (PN) kinta lejislatura hahú iha loron 31, fulan Jullu to’o loron 15, fulan Setembru, tinan ne’e, hahú resesu.

Bazeia ba rejimentu fó dalan ba deputadu sira atu halo prorogasaun funsionamentu normal Parlamentu Nasionál ne’ebe tuir lolos monu iha loron 15, fulan Jullu to’o loron 15, fulan Setembru, kada sesaun lejislativa.

“Komisaun permanente sira funsiona iha prosesu resesu, no kompozisaun sira ne‘e fahe tuir proporsionalidade kada bankada ni'an, tanba ne’e mak númeru total membru ba komisaun permanente ne’e iha 31, kona-ba bainhira mak funsiona, la deskreve klaru iha rejimentu, maibe tuir esperiensia ne’ebé iha lejislatura sira liu ba”, hateten Vise Prezidente PN, Maria Angelina, iha PN, Kinta (30/07/2020).

Nia dehan, deputadu sira husi komisaun permanente halo reuniaun plenária, kada kinzenal, katak kada semana rua dala ida. Karik membru komisaun permanente sira laiha, entaun nia suplente sira tenke subtitui.

“Ida ne’e obrigatóriu para partisipa, karik iha asuntu urjente ruma, la presiza hein to’o 15 dias, maibe kada semana komisaun permanente funsiona. Kada bankada tuir proporsionalidade, hanesan PLP ne’ebé ho kadeira 8, iha deputadu nain rua ba komisaun permanente”, esplika deputada bankada PLP.

Nia dehan, tuir loloos agora ne’e ami resesu tiha, maibe tanba iha lei importante sira ne’ebé mak presiza halo votasaun no apresiasaun hanesan lei medida prevensaun no anti korupsaun no mós atu debate tan lei kódigu mineiru ni'an, inklui lei protesaun sivíl ne’ebé debate ona iha semana kotuk ne’e.

Vise PN ne’e mós husu Governu atu konfirma loloos ajenda ba diskusaun jornada orsamentu, tanba papel Parlamentu liu-liu komisaun C ne’ebé trata asuntu finansas públika importante tebes iha orsamentu ne’e.

“Dalaruma jornada orsamentu ne’e konvite mai PN atu partisipa, tuir loloos ne’e komisaun C mós tenke ba, tanba komisaun C mak haree ba Orsamentu Jerál Estadu, no finansas públika nian, maibe deputadu sira resesu ona, ao mesmo tempo deputadu sira mós ba halo fiskalizasaun iha munisipíu Manufahi, dalaruma iha reprezentasaun PN ni'an, Prezidente PN mak sei partisipa”, subliña Sarmento.

Hatán ba asuntu, Ministru Asuntu Parlamentar no Komunikasaun Sosial (MAPKS), Francisco Jerónimo afirma, nia parte sei konfirma ho parte Governu, atu nune’e labele prejudika mós PN nia ajenda, liuliu komisaun C ne’ebé semana oin sei halo semináriu iha munisipíu Manufahi.

“Ha’u sei ba koordena ho Governu, atu fó fali resposta ba ita boot sira, kona-bá ita boot sira nia atendimentu”, informa MAPKS ne'e.

Tuir rejimentu kapítulu III, artigu 38 kona-bá funsionamentu komisaun permanente hateten, komisaun permanente sei funsiona iha períodu ne’ebe PN disolve ka sesaun intervalu nian hanesan resesu ne’e rasik.

No iha artigu 40 kona-bá kompetensia hateten, komisaun permanente sei halo akompañamentu ba servisu Governu ni'an, koordena atividade komisaun, inklui organiza plenária no seluk tan. Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker