Parlamentu Nasionál (PN) liu hosi deputadu bankada Fretilin, Fabião de Oliveira, husu ba governu atu halo transladasaun mate isin traballadór Timor-oan, Carlito Fereira, ne’ebé hakotu iis iha Korea do Súl, Domingu loron 05 fulan Jullu ne’e.
“Agora dadauk família sira preokupa hela oinsa mak bele lori fila matebian mai Timor Leste, tanba ne’e mak husu ba governu atu koordena ho MNEK, oinsa para lori fila mate isin”,deklara deputadu Fabião, iha nia intervensaun, Segunda (06/07/2020).
Mate isin traballadór ne’ebé ladauk lori fila mai Timor ne’e la’os deit preokupasaun família, maibe inklui mós traballadór sira ne’ebé agora dadaun iha hela Korea.
Hatán ba rekomendasaun ne’e, Ministru Komunikasaun no Asuntu Parlamentares, Francisco Jerónimo, hatete nia parte sei enkaminha ba iha governu atu bele rezolve asuntu ne’ebe refere.
Matebian Carlito Fereira moris iha postu administrativu Zumalai, munsípiu Covalima, iha loron 7 fulan Janeiru tinan 1978.
Matebian hakotu iis iha loron loron 5 fulan Jullu ne’e, tanba sofre moras kankru colon ka kanker uzus.Say
