GMN TV Politika PPN sei hato’o diskursu iha treseira lejislatura inísiu sesaun lejislativa

PPN sei hato’o diskursu iha treseira lejislatura inísiu sesaun lejislativa

0 views

Xefe Bankada FRETILIN, Francisco Miranda Branco, hateten, Prezidente Parlamentu Nasionál (PPN), Aniceto Guterres, deside sei hato’o nia diskursu iha treseira lejislatura inísiu sesaun lejislativa.

Xefe bankada FRETILIN hato’o lia hirak ne’e, hodi hatán preokupasaun públiku kona-bá hafoin deputadu FRETILIN, Aniceto Guterres eleitu ba PPN to’o agora nia parte ladauk hato’o ninia diskursu.

“Líder Segundu Órgaun lejisladór sei hato’o nia mensajen ideal liu iha momentu ne’eba sei realiza serimónia ritual atu rekompoin fali Meja Parlamentu Nasionál (PN), PPN toma pose hanesan deputadu, tanba nia la’ós órgaun unipesoál, maibé ami nia juramentu dala ida de’it, sé nia deputadu foun ami juramentu foun ida ne’e mak ita tenke klaru órgaun unipesoál mak halo juramentu, PN  hanesan órgaun kolejiál ami hotu toma pose dala ida de’it”, Francisco Miranda Branco ba jornalista sira iha PN, Segunda (27-07-2020).

Xefe bankada FRETILIN ne’e esplika, maske deputadu Aniceto Guterres eleitu ona ba PPN, maibé to’o ohin loron seidauk hato’o nia diskursu ne’e la kontra lei.

Tanba laiha regra ida define hafoin eleitu ba PPN tenke hato’o mensajen, maibé nia hanesan líder ida iha PN hola parte iha órgaun kolejiál membru PN hili nia nu’udár PPN nia tenke hato’o nia mensajen.

Maske tuir esperensia hatudu iha lejislatura antes ne’e, bainhira atu lidera meja PN presiza hato’o mensajen.

Xefe bankada CNRT, Duarte Nunes, lamenta, tanba hafoin Aniceto Guterres eleitu ba PPN, maibé la halo diskursu.

“Ha’u la hatene tuir loloos nia eleitu halo diskursu no toma pose, ida ne’e mak regra, ida ne’e mak la akontese liafuan ne’ebé ami uza defaktu no illegal. PPN eleitu ona nia tenke hato’o nia diskursu ba nasaun, ema hotu bele hatene katak PPN foun iha ona. Ha’u foti ezemplu bainhira ita boot nomeia ha’u bainhira ha’u la halo diskursu, ne’e oinsa, ha’u tenke halo kompromisiu saída mak tenke halo ba nasaun”, haktuir Duarte.

Antes ne’e, Vise Xefe bankada PLP, Francisco de Vasconcelhos, hateten, PPN eleitu Aniceto Guterres la hato’o nia diskursu, tanba haree ba situasaun ne’ebé akontese iha PN foin la-lais ne’e, ne’ebé la biban ba Prezidente atu hato’o ninia diskursu. Maibé fiar katak iha tempu badak PPN sei hato’o nia diskursu.

Aniceto Guterres eleitu ba PPN husi deputadu bankada maioria parlamentar, kompostu husi bankada FRETILIN, PLP no KHUNTO, inklui mós PD. ety

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker