Reduz dezempregu iha Timor-Leste (TL), Primeiru Ministru, Taur Matan Ruak, orienta, Sekretaria Estadu Formasaun Profesional no Empregu (SEFOPE), atu reforsa servisu hodi fó empregu ba Timor-Oan sira, ho porsentu 10 redus dezempregu.
“Liga ho servisu SEPFOPE, Primeiru Ministru (PM), bolu ha’u mai, hodi koalia kona-ba área formasaun no empregu, ho ida ne’e PM rekomenda atu aselera servisu ba oin, hodi atinji ne’ebé mak iha, hodi redus dezempregu iha Timor, ne’ebé kada tinan Timor-Oan sira bele hetan empregu atinji to’o 6000,” dehan, Sekretariu Estadu Formasaun Profesionál no Empregu, Alarico do Rosário, iha Palásiu Governu, Kinta (02/07/2020), relasiona polítika Governu ne’ebé atu fo servisu ba joven sira rihun 6 kada tinan.
Alarico hatutan, estratéjia atu redus dezempregu iha TL, SEFOPE sei reforsa formasaun, hodi bele prepara joven sira kompete servisu, iha rai laran no mos rai liur.
“Papel SEFOPE nian atu foti husi 6000 ne’e 10% bele mos liu husi ida ne’e, makanizmu ne’ebé mak SEFOPE uza hodi reforsa empregu liu husi, formasaun, atu nune’e bele prepara joven sira hodi ba kompete servisu, iha rai laran no mos rai liur,” subliña, Alarico do Rosário.
Governante ne’e reforsa liu tan, SEFOPE halo kooperasaun ho Austrália no Korea, no planu ba futuru TL sei halo koperasaun ho Japaun no Kanadá, maibé iha problema ida ne’ebé mak dau-daun satan hela mak COVID-19, tanba ne’e traballadór Timor-Oan sira sei lá haruka ba, maibé ba joven sira presiza prepara-an nafatin. Cin
