Sekretáriu Estadu Formasaun Profesionál no Empregu (SEFOPE) sei harii Sentru Formasaun Exselente (SFE) iha Metinaru, hodi fasilita formasaun ba Timor-Oan hamutuk rihun 5 to’o 10.
“Sentru Formasaun ne’ebé agora SEFOPE iha hamutuk 2 mak, Sentru Formasaun Tibar no Senai Bekora, maibé Sentru 2 ne’e nia kapasidade atu simu ema ba tuir formasaun limita tebes, tanba ne’e SEFOPE hanoin atu harii Sentru Formasaun Exselente (SFE) ho estimasaun, tinan ida bele simu ema husi 5 mil to’o 10 mil”, Diretór Jeral SEFOPE, Paulo Alves, informa asuntu ne’e ba JN-Diário, Tersa (07/07/2020), iha Kaikoli-Díli.
Diretór Jeral ne'e haktuir, SEFOPE hanoin hela la’os atu harii de'it SFE, maibé hanoin hela oinsa haree ba rekursu umanu no ekipamentu husi rekursu finanseiru ne'ebe suporta sentru refere ho modelu Azia Pasífiku, atu iha futuru sentru ne’e diak, bele atrai ema husi nasaun vizinu para mai tuir formasaun iha fatin ne’e.
SFE sei fó formasaun iha área hotu hanesan, konstrusaun sivil ne’ebé iha karpinteria, padeiru no kanalizasaun, refuzirasaun no mekanika, tanba ne’e, SEFOPE nia preokupasaun mak tenke reforsa rekursu umanu bainhira sentru ne’e harii bele forma joven sira bazeia ba nesesidade industria merkadu", afirma Paulo Alves.
Nia subliña, orsamentu ba konstrusaun SFE ho montante USD rihun 15, maibé ida ne’e sei inisiu, tanba bainhira sentru ne’e harii sei iha tan nesesidade sira seluk.
SFEharii tanba hetan orientasaun husi Primeiru Ministru, Taur Matan Ruak, nune’e bele prepara formasaun ba joven sira, hodi responde ba porsentu 10 kampu traballu husi SEFOPE, hodi redus númeru dezempregu iha Timor-Leste. Fel
