GMN TV Politika Vise MOP la satisfeitu ho nia kompetensia atuál

Vise MOP la satisfeitu ho nia kompetensia atuál

0 views

Vise Ministru Obras Públika (MOP), Nicolau Lino Freitas Belo, la satisfeitu ho kompetensia ne’ebé mak dau-daun ne’e nia asume, tanba halo de'it inspesaun no auditoria ba diresaun iha Ministériu Obras Públika (MOP).

“Hanesan membru Governu ida, ha’u sente ladún satisfas, ha’u mai relata, atu nune’e ba futuru oinsa bele hadia, atu nune’e planu prioridade ne’ebé mak Governu iha ona bele la’o ho susesu liu husi komepetensia ne’ebé ha’u bele iha, atu nune’e povu bele sente saida mak ita asume ba, no labele tur nonton de'it, maibé pelu menus bele halo buat ruma ba sidadaun”, dehan Vise MOP, Nicolau Lino Freitas Belo, iha Palásiu Governu, Tersa (21/07/2020).

Governante ne’e afirma, durante ne’e nia parte la toma konta ba diresaun ruma, tanba diresaun hotu tutela ba Gabinete Ministru Obras Públika, Salvador Pires.

“Ate oras ne’e ha’u nia kompetensia halai liu ba inspesaun no auditoriu, ha’u la toma konta ba diresaun, tanba diresaun hotu partikularmente direta ba Ministru Obras Públiku, tanba ne’e ohin ha’u mai hato’o ba Primeiru Ministru (PM), tanba hela de'it tinan 2 pelu menus ha’u iha kompetensia propriu ida ba iha diresaun ruma, atu nune’e atividade ruma ha’u bele konsentra, hodi nune’e povu bele sente nia rezultadu, se lae ha’u sente dezenvolvimentu bele la’o, maibé la’o sidi, tanba buat hotu sentraliza”, tenik Nicolau.

Nia esplika, durante ne’e halo inspesaun ba diresaun hotu, hanesan bee-moos, estrada, inklui mos identifika problema ne’ebé durante ne’e MOP enfrenta.

“Ha’u identifika problema saida mak durante ne’e MOP enfrenta hanesan rekursu umanu, planeamanetu, ezekusaun, no implementasaun, problema hirak ne’e ha’u aprezenta ona relatóriu ba Xefe Governu, no sei aprezenta ba Konsellu Ministru, atu bele tetu no deside, maibé iha tinan 2021 atu bele halo netik buat ruma ba iha povu”, reafirma Vise MOP Nicolau. Cin


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker