GMN TV Politika Akadémiku husu PN aselera diskute LPV

Akadémiku husu PN aselera diskute LPV

Akadémiku Universaidade Nasionál Timor Lorosa’e (UNTL), Camilo Ximenes, husu Parlamentu Nasionál (PN), atu aselera diskute Lei Pensaun Vitalísia (LPV) ne’ebé to’o ohin loron sei rai hela iha gaveta-laran PN ladauk halo diskusaun ba lei refere. 

Ho ida ne’e akadémiku UNTL, Camilo Ximenes, hateten, lei refere fó prejuizu bo’ot ba Estadu, tanba membru parlamentar no Governu remata ona kargu mós nafatin hetan saláriu, tanba lei pensaun vitálisia kontinua proteje sira.

“Ha’u hanoin presiza duni halakon, maibé problema pensaun vitalísia atu atribui ba eis governante no parlamentar, polítiku sira deklara kuandu atu besik ona eleisaun prezidensiál hanesan tinan oin no 2023 besik ba eleisaun parlamentár sira hotu tau kestaun li-liu atu halakon pensaun vitalísia, maibé na realidade depois de ukun saida mak akontese ita tenke komprende ejizensia sira mai hosi sosiedade oi-oin no akadémiku sira, maibé difísil atu muda, tanba benefisia ba ema sira ne’ebé mak eis governante sira no eis deputadu sira ho ida ne’e difísil atu muda”, dehan akadémiku UNTL, Camilo Ximenes, ba JNDiário iha nia knaar fatin kampus UNTL, Kaikoli, Segunda (19/07/2021).

Camilo adianta, lei ne’e iha ona parlamentu, tanba ne’e Parlamentu Nasionál tenke iha vontade hodi diskuti, iha ne’ebé lei refere sempre sai matéria kampaña no promete ba povu, bainhira ka’er governasaun sei halakon pensaun vitálisia.

“Nasaun ida seidauk iha ema ida mak vontade di’ak atu dezenvolve nasaun ida ne’e no ema hotu ne’ebé agora iha ne’e sira iha vontade ida ne’ebé mak luta de’it ba sira nia-an membru Parlamentu Nasionál iha ita-nia konstituisaun repúblika minímu 55 máximu 65 pesoas, maibé kuaze tinan hira ne’e nunka menus 65 ne’e hatudu sira laiha vontade, kuandu partidu ida manan sempre habokur sira ninia estrutura”,dehan.

Pagamentu ba pensaun ne’e sei akontese, bainhira deputadu no eis titulár sira ne’ebé kompleta ona tinan 50 no remata ona ninia mandatu.

Pensaun sei mantein 100% ba Prezidente Repúblika, 90% ba Prezidente Parlamentu Nasionál, Primeiru Ministru, Prezidente Tribunál Rekursu, no hamenus husi 100% ba 75% hosi vensimentu ba eis deputadu no eis titulár sira ne’ebé ezerse kargu ho efetividade funsaun durante tinan 10 tuir malu ka interpoladu. Ina


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker