GMN TV Politika Auzénsia dala-rua ba estensaun EE, PN konsidera VIII Governu laiha ona PM

Auzénsia dala-rua ba estensaun EE, PN konsidera VIII Governu laiha ona PM

5 views

Deputadu sira iha Parlamentu Nasionál (PN) konsidera, VIII Governu oras ne’e laiha ona Primeiru Ministru (PM), Taur Matan Ruak, tanba la fó importansia ba pedidu estensaun Estadu Emerjénsia (EE), liu-liu Xefe Governu ne’e la marka prezensa dala rua ona iha diskusaun sira pedidu Estadu Emerjénsia nian iha PN.

Xefe bankada Partidu Demokrátiku (PD), António da Conceição ‘Kalohan’, hateten, Oitavu Governu ne’ebé viabiliza hosi FRETILIN, hanesan laiha ulun, tanba iha diskusaun asuntu importante hanesan ne’e mós la partisipa nem Vise PM rasik.

“Bankada PD mós triste, tanba Governu hahú hosi estensaun EE dala-15, ukun Governu ida ne’ebé ulun laiha tiha ona. Governante prinsipal lamosu iha PN, tanba ne’e mak  povu balun hahú ko’alia, Governu agora hanesan iha de’it ona kakorok mai kraik, tanba ministru sira de’it mak mai, ne’e kala PN la importante ona, ne’e mensajen povu nian, bankada PD husu atu exselensia sr. Primeiru Ministru halo netik diskursu ida ba nasaun no povu TL, hodi fó mesajen de esperansa ba ita-nia povu, ba situasaun ida ne’ebé ita halo repete fulan-fulan”,kestiona xefe bankada PD ne’e iha intervensaun bankada nian, bainhira diskute pedidu Estensaun EE ba dala-16, Tersa (27/07/2021).

Alende ne’e, deputada Frente-Mudansa, Isabel Ximenes mós lamenta, tanba Xefe Governu ho nia vise na’in rua kedas, maibe la hola parte iha diskusaun ne’e hodi rona direta reprezentante povu nia hanoin.

“Bankada FM nota katak, aprezentasaun ne’e nafatin hanesan estensaun ida fulan kotuk, ne’ebé mak sem prezensa xefe governu nian, ho ida ne’e, bankada FM kontinua lamenta teb-tebes ho aprezentasaun Governu ohin loron, iha estensaun ba dala-16 nian,  ne’ebé mak nafatin sem iha prezensa hosi xefe governu ba VIII Governu Taur  Matan Ruak,  nem reprezenta netik ho vise Primeiru Ministru nain ida, ba momentu ida ne’ebé mak importante teb-tebes ne’ebé mak Governu atu mai husu hodi hasai direitu povu TL atu labele sirkula ho livre, no bele ezerse sira-nia direitu fundalemntal sira seluk. Maibe Governu mai de’it ho membru Governu sira ne’ebé mak ami kontinua konsidera sira la’os xefe Governu ba VIII Governu nian”,subliña Isabel.

Iha fulan kotuk, diskusaun ba pedidu estensaun Estadu Emerjénsia ba dala-15 mós deputadu sira barak kestiona, tanba Primeiru Ministru, Taur Matan Ruak ho Vise PM la marka prezensa iha diskusaun.

Enkuantu, pedidu estensaun Estadu Emerjénsia ba dala-16, aprovadu iha plenária komisaun permanente, ho votu a favor 18, kontra 0 no abstensaun 13.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker