GMN TV Politika Buka tuir Saudozu Nicolau Lobato nia ruin kompeténsia Estadu

Buka tuir Saudozu Nicolau Lobato nia ruin kompeténsia Estadu

Sekretáriu Estadu Asuntu Kombatente no Libertasaun Nasionál (SEAKL),  Gil da Costa ‘ Oan Soru’ hateten, atu buka tuir saudozu Nicolau Lobato ho saudozu seluk nia ruin, la’ós kompeténsia grupu ida ka ministériu ida nian de’it, maibe ne’e kompeténsia Estadu tomak nian.
Tanba ne’e, Ministériu Kombatente Libertasaun Nasionál hein orientasaun kompeténsia mak bele ezekuta knár refere. Maske nune’e, governante ne’e konsidera mate iha funu ba  aswain sira ne’ebé lakon lahatene nia paradeiru perante funu hosi tinan 1975 to’o 1999.
“Em prinsípiu ruin ne’e la’ós saudozu Nicolau nian mesak de’it mak seidauk hetan, maibe alénde saudozu Nicolau hanesan líder máximu no ema barak teb-tebes. Maibe ita mós tenke rekoñese ida ne’ebé mak bele hetan no labele hetan, tanba ema ne’ebé mate hau rasik hakoi mós hau ba buka fali la hetan ona sira nia rui, tanba ne’e ita labele hanoin katak hetan ruin de’it foin valoriza, ne’e sala, ruin ne’e atu hetan ka la hetan mós sira nia naran ne’e tenke iha. Kuandu temi kona-bá saudozu Nicolau, ne’e la’os órgaun ida nia kompeténsia mesak, ne’e estadu ninia kompeténsia, mais hanesan ministériu, bainhira estadu atribui knár ne’e, ami prontu atu halo tuir, maibe ne’e mós la’os buat ne’ebé fasil. Oitavu Governu ne’e mós tama mai ho kedas situasaun ne’ebé oi-oin,  ita hotu akompaña”,afirma  Gil da Costa Monteiro ‘ Oan Soru’ ba GMN, iha edifísiu CCLN, Kaikoli, Sesta (16/07/2021).
Durante ne’e, deputadu bankada FRETILIN, David Dias Mandati ho deputadu sira seluk iha Parlamentu Nasionál Kinta lejislatura, sempre ezije Governu, liuhosi intervensaun iha plenária atu Governu Timor-Leste husu tuir paradeiru ka indika rate saudozu Nicolau Lobato nian, enkuantu eis militár Indónezia ne’ebé envolve iha funu refere sei moris. Tanba deputadu Parlamentu Nasionál sira mós afirma katak, sei difísil liutan atu hatene paradeiru saudozu sira nian, bainhira veteranu sira no eis militár Indonézia nian lakon hotu iha mundu ida ne’e.Say


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker