GMN TV Politika Governu muda estatutu ba EP, bee-moos nafatin iha problema

Governu muda estatutu ba EP, bee-moos nafatin iha problema

1 views

Deputadu komisaun E Parlamentu Nasionál (PN) ne’ebé trata asuntu infraestrutura,  Domingos de Carvalho, preokupa problema bee-moos kontinua aumenta hodi implika ba komunidade iha bairru-bairru iha sidade Díli kontinua halerik ba bee-moos, maske VIII Governu muda ona estatutu ba empreza públika (EP), maibe kontinua iha problema tanba bee sai la estável.

Deputadu bankada CNRT ne’e konsidera, problema ne’e aumenta, maske muda ona estatutu ba empreza públika, tanba muda funsionáriu tékniku ne’ebé ho esperiénsia servisu tinan naruk iha área SAS nian, maibe rekruta fali ida ne’ebé laiha esperiénsia ba área ida ne’e.

“Bee-TL muda ba empreza públiku ne’e mak problema iha SAS ne’e, mosu rekrutamentu ne’ebé hamosu diskriminasaun ba iha ema ne’ebé mak loloos para atu liu ninian, ezemplu balun hanesan esperiensia servisu tinan 10, balun tinan 8, maibe halo teste ne’e ema sira ne’e la liu fali, ema foun mak liu. Iha mós ameasa balun ne’ebé ami iha komisaun rasik seidauk ema sira ne’e deklara rasik katak ‘se karik ma kami la liu iha teste ne’e, ami sei taka bee’ para komunidade sira labele hetan. Agora problema mak ne’e, ita halo to’o balansu ida, kona-bá sira taka bee mak komunidade la hetan bee ka, ou bee ne’e mak át duni, mais tuir hau nia haree, ema ne’ebé mak tékniku loloos, kaer ba área uda ne’e iha tinan barak nia laran la liu iha teste, depois ba tau buat foun iha ne’ebá, saida mak akontese, hanesan agora dadaun ne’e. Komunidade sira halerik, kuaze semana tomak la hetan bee, difikulta ba ita-nia ukun ida ne’e duni, la’os dehan bee mak laiha la’e, bee ne’e iha, mas jestaun bee atu jere ne’e mak laloos. Mudansa ida ne’e duni mak difikulta ita-nia komunidade la hetan bee ne’e, tanba ema ne’ebé mak hatene servisu ita la uza, maibe ida lahatene servisu ne’e mak ita uza”,dehan Deputadu Komisaun E, Domingos de Carvalho ba GMN iha PN, Segunda (26/07/2021).

Ligadu ho asuntu ne’e, GMN tenta atu konfirma ho Prezidente bee Timor-Leste. EP, maibe la-disponível, tanba responsável máximu ba empreza públika ne’e sei hala’o servisu iha munisípiu.

Alénde ne’e, GMN mós tenta atu konfirma ho Prezidente komisaun ba infraestrutura ne’e, maibe deputadu refere partisipa iha reuniaun konsellu estadu.

Antes ne’e, komunidade iha bairu barak reklama, tanba laiha bee-moos no balun bee sai la estável atu konsumu lor-loron, hanesan akontese iha Bekusi, Taibesi, Bekora, Bedois, Tasi-tolu, Manleuana, Metiaut, Bebonuk, Villa-verde, Ai-mutin no fatin seluk tan.Say

 

 

HAL1………..3


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker