GMN TV Politika Jurista: Armanda Berta kandidata ba PR la tuir tempu determinadu

Jurista: Armanda Berta kandidata ba PR la tuir tempu determinadu

2 views

Jurista Timor-Oan Fernando da Costa, hateten, Partidu KHUNTO ne’ebé anúnsia ofisialmente atual Vise Primeira Ministra no Ministra Solidariedade Sosiál no Inkluzaun, Armanda Berta ba kandidata Prezidente Repúblika (PR) ne’e, bele prejudika nia knaar no la tuir tempu determinadu.

Tuir Fernando da Costa, konstituisaun RDTL artigu 75, la bandu kualker sidadaun ida atu kandidatu ba PR. No mos artigu 46 no 47 katak, sidadaun hotu iha direitu partisipa iha vida polítika.

Maibé jurista ne’e dehan, sidadaun ne’ebé asume hela knaar balun estadu nian mak kandidatu ba PR, tenke liuhosi prosedimentu legal ne’ebé iha, nune’e labele prejudika pozisaun ne’ebé kandidatu ne’e asumi hela.

“Loloos ne’e nia atu anúnsia ninia kandidatura ba prezidente Repúblika, ne’e nia direitu. Mas tuir loloos hein lai tempu ne’ebé mak merese atu ita anúnsia ida ne’e atu perante públiku. Bainhira mak ita anúnsia ita-nia kandidatura? Tenke-ser rona lai husi Prezidente Repúblika, kuandu fó sai ona katak, data ne’ebé bainhira parte sira anúnsia ona sira-nia kandidatura, prontu ita bele ba ona. Mas tenke hatama uluk lai karta rekerimentu ruma, atu nune’e labele kontra ita-nia profisaun ne’ebé mak atuál ita la’o hela ne’e”,hateten Jurista Fernando da Costa ba GMN, iha nia rezidénsia Taibessi (12/07).

Maibé tuir nia, figura ne’e kandidatu ba PR la’os ho intensaun sai prezidente, maibé atu hatene sira-nia forsa polítika deit.

“Ha’u haree hanesan sira hakarak hakuak hodi haree no justifika sira-nia forsa polítika ne’e to’o ona iha ne’ebé”,haktuir Fernando.

Jurista Sérgio Quintas, afirma, seidauk iha regulamentu sira kona-ba asuntu ne’e, maibé lei inan hatúr deit direitu fundamental sira kona-ba sidadaun hotu iha direitu atu partisipa no kompete iha vida polítika.

Maibé relasiona ho Armanda Berta nia pozisaun kandidatu ba PR, tuir jurista, ne’e bele hamosu konflitu interese, uainhira kandidatu ne’e sei kaer pasta Estadu nian.

“Tuir ha’u-nia pontu de vista ne’e la dun furak, se ema ruma asume hela kargu públiku, kargu públiku ne’e haleu hela nia, nia sei halo hela servisu Estadu ka nasaun nian, entaun bele perturba nia servisu publiku ne’e, ho nia personalidade no bele hamosu buat ida hanaran konflitu interese”, termina Sérgio Quintas.

Partidu KHUNTO iha loron 4, fulan Jullu ne’e deside ona Armanda Berta dos Santos, kandidata ba Prezidente Repúblika periodu 2022 to’o 2027.San


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker