GMN TV Politika Kandidatu PLP halakon FRETILIN nian iha eleisaun ba Prezidente CNE

Kandidatu PLP halakon FRETILIN nian iha eleisaun ba Prezidente CNE

0 views

José Agostino da Costa Belo eleitu ba Prezidente Komisaun Nasionál Eleisaun (CNE-sigla portugés) ba períodu tinan 2021 to’o 2027. Iha eleisaun ba Prezidente CNE ne’e, deputadu sira aprezenta kandidatura rua, ida propoin hosi bankada FRETILIN mak Alcino de Araújo Barris no José Belo rasik propoin husi bankada PLP.

José Belo pasa ho votu a-favór 35 liuhosi votasaun sekretu ne’ebé deputadu Parlamentu Nasionál kinta lejislatura halo iha plenária estraordinária, Kuarta (14/07/2021).

Atuál Prezidente CNE, Alcino Barris, hela ho votu apoiu 29, nune’e José Belo avansa ba Prezidente, hodi troka Alcino Barris ba tinan lima mai.

Prezidente Parlamentu Nasionál, lori parlamentu nia naran, kongratula Prezidente eleitu, atu kontinua ezerse funsaun iha CNE, hanesan Prezidente.

“Prezidente CNE ba períodu 17 de Agosto 2021 ba oin, mandatu  ba 5 anos hanesan Prezidente CNE, José Agostino da Costa Belo. Dezeja bom trabalho no susesu ba Prezidente foun ho komisáriu foun ne’ebé ohin ita hili”,dezeja  PPN Aniceto Guterres hafoin pronunsia rezultadu votasaun iha Plenária estraordinária ne’e.

Alénde ne’e, Parlalemtu Nasionál liuhosi plenária estraordináriu ne’e, hili mós membru na’in neen ba komisáriu CNE efetivu no suplente. Membru na’in tolu efetivu mak hanesan,  Alcino Barris, José Agostino da Costa Belo no Odete Maria Belo.

Membru CNE efetivu ne’e eleitu ho votus a-favór 61 kontra 1 no abstensaun 1, no komisáriu suplente iha aprezentasaun kandidatu na’in haat hosi deputadu sira, maibe na’in tolu mak pasa hanesan, José Pedro Mariano Neves de Camões, Fernanda de Fátima Sarmento Ximenes no Querubin João Fereira, maibe kandidatu Octavio Manuel da Costa Amaral ne’ebé aprezenta hosi bankada UDT la pasa.

Antes ne’e Prezidente Repúblika mós nomeia ona membru nain 2, Olávio da Costa Monteiro de Almeida nu’udar membru efetivu no Detaviana Madalena Guterres Freitas membru suplente.

Alénde ne’e, Carlito Moniz hanesan efetivu ne’ebé nomeia hosi Governu ho nia suplente Elvino Bonaparte do Rego.

Hosi Parte majistradu Judisiais nomeia António Gonçalves membru efetivu ho João Ribeiro hanesan suplente.

Nune’e hosi Ministériu Públiku  nomeia membru efetivu Domingos Barreto ho suplente Napoleão Soares da Silva. Mandatu ba Prezidente CNE foun ne’e sei hahú iha loron 17 fulan Agostu, tinan ne’e.Say


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker