GMN TV Politika Komisaun F hahú audiénsia ba lei protesaun labarik no foinsa’e husi perigu

Komisaun F hahú audiénsia ba lei protesaun labarik no foinsa’e husi perigu

0 views

Komisaun F Parlamentu Nasionál ne’ebé toma konta ba asuntu Saúde, Seguransa Sosiál no Igulidade Jéneru, hahú semana ne’e, halo ona audiénsia ho entidade relevante sira, hodi konsulta hanoin ba malu ba lei protesaun labarik no foinsa’e sira husi perigu.

Prezidente komisaun F, Noé da Silva ‘Buka Tuir’ informa, Projetu lei ne’e rasik nu’udar inisiativa ho bankada 5 nian, hanesan Fretilin, CNRT, PD, Khunto no PLP, la  inklui bankada UDT PUDD ho Frente-mudansa, tanba la envolve iha komisaun refere,

Projetu lei ne’e rasik importante hodi proteze labarik Timor-oan sira ne’ebé sei abandona hosi ema bo’ot inklui família no inan-aman rasik.

“Projetu lei protesaun ba labarik no foinsa’e hosi perigu, perigu ho nia sentidu barak. Ezemplu inan-aman sira balun husik sira-nia oan, sira ba servisu, maibe tuir loloos ita-nia oan sira ne’e sei iha direitu ne’e atu ba eskola no presiza hetan protesaun,  maibe dala barak liu inan no aman sira husik fali oan sira ba servisu iha luron. Tanba ne’e mak PN iha dever moral oinsa mak atu proteze ita nia oan sira ne’e, atu labele obriga sira servisu, satán iha luron sira. Tanba iha ema balun utiliza ita-nia oan sira aproveita servisu ne’ebé mak la merese ba sira atu halo”, Prezidente Komisaun F, Noé da Silva ‘Buka Tuir’ ba jornalista, iha Hotel Timor, Kinta (08/07/2021).

Nune’e deputada komisaun F, Maria Barreto mós reforsa, projetu lei ne’e importante tebes, tanba labarik sira presiza hetan protesaun hosi ema bo’ot, atu bele goja sira nia direitu hanesan labarik no futuru nasaun nian.

Maske nune’e eis komisaria labarik ne’e subliña, komisaun ho entidade relevante presiza hadi’a títulu ba projetu lei refere, tanba títulu atúal ho kontíudu jerál liu.

“ Projetu lei dos crianças ne’e importante tebes iha ita nia nasaun TL, tanba durante ne’e ita TL rasik seidauk iha lei ida ne’ebé mak espesífiku para atu proteze ba direitu labarik nian , bazeia ba konvensaun direitu labarik nian ne’ebé ratifika ona iha 2002, maibe ate agora ita seidauk iha lei ida,

Tanba ne’e mak dalaruma labarik sira sai vítima no mós ba labarik sira ne’ebé mak problema ho lei, dalaruma ita uza de’it mak kódigu penal para bele haree sira no mós ita nia K-RDTL artidu 18 lei sira seluk ne’ebé mak bele proteze no promove labarik.

Ho audénsia ne’e bele husu entidade relevante sira nia hanoin relasiona ho esbosu labarik ne’e.

Bazeia ba esbosu lei ida ne’e, em jeralmente buat balun mak la relevante ho situasaun real rasik iha ita nia rain, tanba ita iha kultura no ambiente ne’ebé mak la hanesan ho rai avansadu sira,

Tanba ne’e mak ita presiza diskusaun no opiniaun hodi produs lei ida bele reprezenta ema hotu nian hanoin, hodi proteze ita nia labarik sira no proteze ita nia futuru nasaun nian.

Iha títulu ne’e ita sei presiza tetu, ami sei diskute hodi halo análiza didi’ak, para iha títulu ne’e bele iha reprezentativu ba iha artigu sira ne’ebé hodi proteze labarik no juventude iha TL.”afirma deputada Maria Barreto.

Audénsia ba projetu lei protesaun ba labarik ne’e,  hahu iha loron 7  to’o loron 27 fulan Jullu ne’e. Projetu lei ne’e rasik ho total artigu kuaze atus ida resin.Say

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker