GMN TV Politika KPPN envolve deputadu PUDD iha estrutura meza

KPPN envolve deputadu PUDD iha estrutura meza

Komisaun Permanente Parlamentu Nasionál (KPPN) kinta lejislatura, liu hosi reuniaun dahuluk komisaun permanente nian, Tersa (20/072021), hili ona sekretária meza ho nia vise ne’ebé envolve mós deputadu bankada PUDD, António de Sá Benevides iha estrutura meza, hodi ezerse funsaun perante sesaun intervallu ka resesu  to’o loron 15, fulan Setembru, tinan ne’e.

Iha reuniaun dahuluk komisaun permanente ne’e, membru komisaun permanente sira konsensus hodi aprezenta lista únika, ne’ebé eleitu ba sekretária meza mak deputada Domingas dos Santos hosi PLP, no vise deputadu PUDD, António de Sá Benevides.

“Semana rua reuniaun dala rua iha loron Tersa-feira, maibe ida ne’e la taka dalan ba meza atu konvoka plenária, bainhira iha ajenda ne’ebé urjente, fora de ida normal ne’e. Nune’e reuniaun plenária ba komisaun permanente ne’e, sei hala’o iha día 3 de Agostu no día 17  ho día 31 de Agostu to’o día 15 de Setembru konvoka plenária extraordináriu hodi inisia sesaun lejislativa foun. Ita eleje ona sekretária no vise sekretáriu meza da komisaun permanente, no sekretária ho vise sekretáriu eleitu mak deputada PLP Domingas dos Santos ho vise sekretáriu meza mak deputadu PUDD António de Sá Benevides”,afirma Prezidente PN, Aniceto Guterres hafoin preside prosesu eleisaun ba sekretária meza komisaun permanente ne’e.

Sekretária ho vise meza Parlamentu ne’e, passa ho votus a-favór 23 votus nulus 1, abstensaun 4 kontra 1.

Durante resesu ba sesaun normal, komisaun espesializadas permanents sei hala’o reuniaun plenária semana rua dala ida, lahanesan ho tempu normal ne’ebé mak hala’o reuniaun plenária semana ida dala rua.

Enkuantu resesu ne’e hahu ona iha loron 15 fulan Jullu to’o loron 15 fulan Setembru tinan ne’e, no perante resesu ne’e, membru komisaun permanente ho Prezidente Parlamentu no nia Vise hamutuk nain tolu nulu resin rua de’it mak ativa hodi garante funsionamentu Parlamentu nian to’o sesaun normal.Say

 


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker