GMN TV Politika L7 husu jerasaun foun aprende hamutuk ho jerasaun tuan

L7 husu jerasaun foun aprende hamutuk ho jerasaun tuan

0 views

Veteranu Cornelio Gama ‘L7’ atúal deputadu bankada PLP  husu jerasaun foun sira ne’ebé envolve iha vida polítika atu la’o hamutuk ho lideransa tuan sira, hodi aprende barak liu tan antes sai Prezidente Repúblika (PR) iha nasaun Timor-Leste (TL).

L7 afirma, lidera nasaun ida, nakonu ho responsbailidade, tanba ne’e, presiza prepara-an no aprende barak liutan, no presiza iha mentalidade ne’ebé nakonu ho responsbailidade no intelektual hodi reprezenta no foti desizaun ba Estadu nia moris.

Xefe bankada PLP ne’e informa, to’o agora PLP seidauk iha kandidatu ruma ne’ebé atu aprezenta.

“ Ami veteranu ne’e hakarak buka de’it jerasaun tuan ou jerasaun foun ne’ebé iha vizaun, tenke la’o hamutuk para hodi ukun. Ami katuas hotu ona, maibe husu ba jerasaun foun tenke hadi’ak imi-nia kakutak mak imi ba ukun. Ha’u-nia prinsípiu mak imi foinsa’e ne’e tenke servisu hamutuk ho ita-nia maun sira ne’ebé Prezidente ona, para hatene ona kona-bá ida ne’e, ne’e para tinan lima tuir mai bele kandidata-an. Se Lú Olo mak ba fali mós jerasaun foun tenke la’o hamutuk ho nia, Xanana, Taur ka Ramos Horta mak ba fali mós jerasaun foun tenke la’o ho nia, hodi aprende kona-bá sira-nia servisu sira, hodi hametin ita-nia nasaun ida ne’e”,subliña deputadu bankada PLP ne’e ba JNDiário, Kinta (22/07/2021).

Alénde ne’e, Vise xefe bankada CNRT, Patrocínio Fernandes, subliña, CNRT sei deside nia kandidatura iha konferénsia ne’ebé sei realiza iha tempu badak.

“ Partidu CNRT ne’e preparadu ba kualker momentu atu bele kompete iha kualker eleisaun. Partidu nia desizaun ne’e desizaun koletivu, nia sempre hola desizaun liuhosi konferénsia ka kongresu, mas konserteza preparasaun ba kritéria saida mak kandidatu PR atu prienxe tuir perspetiva CNRT nian ne’e, haree ona. Maibe desizaun se mak atu ba kandidatura ne’e, konferénsia mak sei deside, tanba CNRT partidu ida ne’ebé aposta ba interese nasionál, ne’eduni se de’it mak iha kapasidade atu bele refleta interese nasionál. Figura iha CNRT lubuk tebes atu ba kompete iha kritéria atu sai kandidatu ba Prezidente Repúblika eleisaun mai”,Patrocínio realsa.

Iha konstituisaun artigu 74, Prezidente Repúblika mak xefe estadu, símbolu no garantia independénsia  nasionál no unidade no unidade estadu nian, no instituisaun demokrátika sira nia funsionamentu regular.

Iha aliñea 2 mós hateten, Prezidente Repúblika mak komandante a’as liu  forsa armada.

Tanba ne’e iha konstituisaun RDTL artigu 75 elijibilidade nian, iha aliñea ida mensiona, bele tuir kandidatura ba Prezidente Repúblika sidadaun Timor-oan sira ne’ebé iha illas hotu hanesan sidadaun nanis,  iha tinan mínimu 35 ho kapasidade di’ak, ne’ebé hetan proposta husi sidadaun hili na’in mínimu nain rihun lima.

Iha aliñea rua, Prezidente Repúblika ka’er mandatu to’o tinan lima nia laran no ninia knár remata bainhira prezidente foun simu pose.Say

 


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker