GMN TV Politika Meta Malik: Ospitál TL seidauk prenxe kritéria mundiál

Meta Malik: Ospitál TL seidauk prenxe kritéria mundiál

Ministru ba Asuntu Kombatente Libertasaun Nasionál, Júlio da Costa ‘’Meta Malik’’ hateten, ospitál sira iha territóriu nasionál seidauk priense kritériu internasionál, tanba ne’e mak veteranu sira sempre ba halo tratamentu kuidadu saúde iha ospitál sira iha rai-liur.

Nia informa, problema balun relasiona ho kuidadu saúde ne’ebé durante ne’e veteranu sira hasoru mak hanesan, gastu boot ba tratamentu iha rai-liur, hanesan aluga aviaun, no seluk tan.

Nia akresenta, Embaxadór EUA, Kevin Blackstone  koalia la’ós atu harii ospitál ba veteranu sira, maibé oinsa atu harii ospitál ne’ebé nia padraun ne’e nível mundiál, nune’e fasilita mos rezidente estranjeiru sira iha Timor.

“Embaixadór sira agora mai iha Timor ne’e, se moras agora, ohin kedas ema nia aviaun tenke mai lori sai, tanba ita laiha fasilidade ida, laiha ospitál ida ne’ebé atu bele toba netik kalan ida, atau oras ida ka oras rua mak atu sai ba liur, tanba ita nia ospitál la priense kritériu”,dehan Meta Malik, hafoin enkontru ho Embaixadór EUA, Kevin Blackstone iha Caicoli, Tersa (20/07).

Embaxadór Ámerika ba Timor-Leste, Kevin Blackstone, mos preokupa ho sistema atendimentu saúde ba veteranu kombatente libertasaun nasionál sira.

“Kestaun balun ne’ebé mak ami partilla mak hanesan, kuidadu saúde ba povu Timor, entaun iha ne’ebá ami sente katak, importante tebe-tebes atu tau matan ba asuntu ida ne’e, tanba importante atu fornese kuidadu saúde, tantu ba rezidente estranjeiru sira no mos ba Timor-oan sira”, termina diplomata ne’e.

Embaixadór ne’e akresenta, parte embaixada sei halo diskusaun ho Ministériu relevante sira hodi koalia kona-ba kestaun kuidadu saúde iha Timor-Leste.San

 


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker