GMN TV Politika PM Taur: Polémika ró Tranship II, MTK mak responsabiliza

PM Taur: Polémika ró Tranship II, MTK mak responsabiliza

2 views

Primeiru Minstru (PM), Taur Matan Ruak, deklara, polémika ró Tranship II ne’ebé halo ema hotu preokupadu, responsável Ministériu Transporte no Komunikasaun (MTK) lideradu José Agustinho da Silva ni’an, bainhira akontese problema ruma durante movimentasaun Díli Atauro no Díli Oe-Cusse.

Prezensa ró Tranship II iha portu Díli sai polémika iha públiku, tanba sosiedade sivíl, reprezentante povu iha Parlamentu Nasionál, kestiona prosesu administrativu transporte marítima ne’e, tanba deskonfia iha indísiu krime, nomos kondisaun ne’ebé la viável atu tula pasajeiru.

Prosesu aluga ró ne’e ministériu la loke konkursu públiku nasionál, tuir deklarasaun diretór nasionál transporte marítima nian.

Enkuantu kona-ba kondisaun ró refere, tuir KAK nia akompañamentu deskobre kondisaun balun la viável no deskonfia iha mákina ida avaria.

Maske nune’e, transporte marítima refere to’o ohin loron kontinua sirkula ba Ataúru, Oecusse no Díli, maibé prosesu atu atraka iha portu, sempre hasoru problema.

“Iha Ministériu Transporte no Komunikasaun (MTK) sira mak responsabiliza rasik enkuantu laiha forsa maior ruma que impoin alterasaun ita sei la’o”, PM Taur matan Ruak, deklara asuntu ne’e ba Jornalista sira, hafoin ekontru semanál ho Prezidente Repúblika, Francisco Guetrres Lú Olo, iha Palásiu Prezidensiál, Bairo Pite, Kinta (22/07/2021).

Relasiona ho polémika ne’e, GMN tenta husu klarifikasaun ba Ministru Transporte no Komunikasaun, José Agustinho da Sílva, maibe governante ne’e halai ses husi jornalista hodi rejeita fó komentáriu.

Relasiona ho plémika ró tranship II ne’e ninia prosesu KAK submete ona auto partisipasaun ba Ministériu Públiku kona-ba rezultadu investigasaun, no deskobrimentu sira relasiona ho irregularidade no prosesu administrativu ró Tranship II nian.

Tuir kontratu, Governu Timor-Leste kada fulan selu ró ne’ebé refere ho montante USD 220.000 durante fulan tolu nia laran. Ina

 


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker