GMN TV Politika PN resesu no sei ativa sesaun normál iha fulan Setembru

PN resesu no sei ativa sesaun normál iha fulan Setembru

Parlamentu Nasionál (PN) kinta lejislatura hahú ona resesu hosi loron 15, fulan Jullu ne’e no sei ativa hikas sesaun normál ba lejislativa foun iha loron 15, fulan Setembru.

Parlamentu Nasionál (PN) aprova ona deliberasaun komisaun permanente ne’e, ho votu a favor 51 kontra 0 no abstensaun 8, hodi hili membru komisaun permanente hamutuk 32, atu garante funsionamentu Parlamentu Nasionál, durante resesaun ba sesaun lejislativa ne’e.

Membru komisaun permanente ne’e, propoin hosi bankada sira tuir proporsionalidade asentu iha Parlamentu Nasionál.

Hosi bankada CNRT propoin nia membru nain 10,  FRETILIN nain 10, bankada PLP nain 5, PD nain 2, KHUNTO nain 2, no ida husi bankada PUDD 1, UDT 1  ho Frente-mudansa ida.

Prezidente komisaun A, Joaquim dos Santos, hatete, maske resesu ona, maibe Prezidente Parlamentu fó autorizasaun ba komisaun espesializada sira, atu kontinua diskute ajenda importante sira, depende disponibilidade no konsensu deputadu sira nian.

“Iha períodu resesu ne’e, kompetensia atu konvoka plenária ne’e so komisaun permanente de’it mak bele halo konvokatóriu depois mak Prezidente asina. Agora ami iha faze espesialidade ba lei organizasaun judisiáriu, ami tenta atu hotu iha fulan Agostu nia laran, se ami quorum ka konsensus,  entaun bele hotu iha Agostu nia laran, tanba iha lei 3, ida mak organizasaun judisiáriu ne’e, estatutu judisáriu ho estatutu ministériu públiku, tuir komisaun A nia planu mak atu hotu iha fulan Agostu ne’e. Resesu hela, mas PN autoriza komisaun A atu servisu to’o 31 de Agostu, signifika ami nia rezultadu servisu ne’e iha autorizasaun iha plenária, ne’ebé vale nafatin, rezolusaun hasai ona hodi autoriza komisaun A atu finaliza lei ne’e iha fim do Agostu.”informa deputadu Joaquim ba GMN, iha PN, Kinta (15/07/2021).

Maske sesaun resesu ne’e hahú Kinta loron 15 fulan Jullu ne’e, maibe tuir ajenda ne’ebé GMN asesa, iha Kinta dader ne’e, kuaze deputadu hotu iha komisaun espesializada permanente sira, desloka ba munisípiu, hodi halo fiskalizasaun no mós diskute lei importante sira.

Hanesan komisaun A, kontinua diskute proposta lei organizasaun judisiáriu iha faze espesialidade iha munisípiu Aileu, komisaun B ba halo fiskalizasaun iha munisipiu Manatutu, komisaun C ho D diskute lei enkuadramentu orsamental iha munisípiu Liquiça, komisaun E ba halo fiskalizasaun iha Baucau.

Nune’e mós komisaun F kontinua audiénsia ho entidade relevante sira, kona-bá projetu lei protesaun ba labarik ho foinsa’e, iha munisípiu Liquiça no komisaun G ba halo fiskalizasaun iha munisípiu Bobonaro.Say


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker