GMN TV Politika PPN Aniceto promete sei altera LPV antes mandatu remata

PPN Aniceto promete sei altera LPV antes mandatu remata

1 views

Prezidente Parlamentu Nasional (PPN), Aniceto Guterres Lopes, promete, sei la kaduka proposta no projetu lei hirak ne’ebé baixa ona ba komisaun espesializada permanente sira, inklui alterasaun lei pensaun vitalísia ne’ebé tama ona iha komisaun A, nune’e komisaun sei esforsu atu diskute no halo votasaun, antes mandatu kinta lejislatura termina.

Prezidente órgaun lejislativa ne’e hateten, Parlamentu sei fó prioridade uluk ba lei hirak ne’ebé importante liu, maibe bainhira la konsege diskute iha tinan ne’e, sei kontinua diskute iha tinan 2022.

“Lei pensaun vitalísia mós agora iha hotu komisaun, maibe komisaun A fó lai prioridade lei sira be ha’u temi ne’e, depois mak sei trata mós. Iha ha’u-nia mandatu, iha ha’u-nia prezidénsia, ha’u sei la budu ka rai hela lei iha ne’e, kuandu tama ona, tenke diskute, se konkorda aprova, se la konkorda reprova, ne’e de’it. Iha inísiu sesaun lejislativa 15 de Setembru mai, PN bele trata ka despaixa hotu lei sira ne’ebé agora barak hela iha PN. Maibe hanesan babain, tama ona fulan Outubru ne’e, PN nia konsentrasaun ne’e ba de’it ona Orsamentu Jerál Estadu. Governu parese promete atu hatama OJE 2022 mai PN iha 1 de Outubru, entaun ami iha 15 días antes 1 de Outubru ne’e, pelo menus ami bele trata hotu lei sira ne’e, balun ne’ebé la konsege, ami sei husik hela ba 2022”,informa Prezidente PN, Aniceto Guterres Lopes ba Jornalista sira iha resintu PN, Kuarta (28/07/2021).

Lei hirak ne’ebé deputadu sira iha komisaun espesializada sira kontinua diskute iha tempu resesu ne’e mak hanesan, komisaun A diskute iha faze espesialidade ba Lei Organizasaun Judisiáriu, Lei organizasaun Tribunal no Estatutu Ministériu Públiku.

Alénde ne’e iha mós proposta lei Enkuadramentu Orsamental no Jestaun Finanseiru, komisaun C ho D diskute hela iha faze espesialidade.

Nune’e mós komisaun F hahu audensia ho entidade relevante sira ba porjetu lei protesaun ba labarik no foinsa’e hosi perigu.Say


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker