GMN TV Politika PPN la admite kansela diskusaun lei EOJF

PPN la admite kansela diskusaun lei EOJF

0 views

Prezidente Parlamentu Nasionál (PPN) Aniceto Guterres Lopes deklara, maske nia parte simu ona karta aberta ida hosi intelektuál balun ne’ebé husu atu kansela ka adía diskusaun ba lei Enkuadramentu Orsamental no Jestaun Finaseiru (EOJF), maibe nia parte deklara sei la admite atu fila ba kotuk, tanba ne’e polítika Governu da-ualu nian.

Nune’e nia dehan, depende ba votu hosi deputadu sira mak sei determina aprovadu ka la aprovadu.

“Iha pedidu ida ne’e, maibe prosesu ne’e la’o do’ok tiha ona, to’o faze diskusaun iha espesialidade, ne’e tama ona ba kestaun sira ne’ebé mais tékniku jurídika liu, klaru liga ho opsaun polítika. Ne’e kestaun polítika, polítika Governu nian. Governu se hakarak altera lei ida ne’e, halo lei foun ida troka lei anteriór lei orsamentu jestaun finanseiru ninian, kada Governu ida-idak ho nia polítika. Se VIII Governu sente nesesáriu atu halo alterasaun, agora alterasaun ne’e mak la’o hela, agora nia prosesu se ladun di’ak, mas atu fila-fali ba kotuk ha’u la admite, nu’udar Prezidente PN, atu fila fali ba kotuk, ha’u la admite. Iha duni karta aberta ida mai hosi joven intelektuais balun, maibe ha’u-nia reasaun mak ne’e, ne’e la ba kotuk ona, tanba agora iha faze besik hotu ona, tanba ne’e iha opsaun mak rua ne’e, aprova ou reprova”,subliña Prezidente PN ne’e ba jornalista iha PN, Kuarta (28/07/2021).

Antes ne’e, sosiedade sivíl sira husu Parlamentu Nasionál atu adía prosesu diskusaun ba lei EOJF ne’e, atu labele foti desizaun ho ambisiozu, nune’e tenke halo análiza didi’ak konteúdu hosi proposta ne’e, hodi la hafraku liutan prosesu sira kona-bá Orsamentu Jerál Estadu nian.

Proposta lei Enkuadramentu Orsamental no Jestaun Finanseira ne’e, aprovadu iha Jeneralidade ho votu a-favor 37 kontra 12 no abstensaun 11.Say

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker